Wikilari egoiliar
Wikilari egoiliarra Wikipediako editore bat da, erakunde jakin batean egonaldi bat egiten duena. Egoiliarrak jasotzen dituzten erakundeak kultura eta ondarearen alorrekoak izan ohi dira, bereziki, galeriak, liburutegiak, artxibategia eta museoak (Wikipediako dokumentazioan, GLAM akronimoaz ezagunak). Egoiliarraren zereginak hauek izan ohi dira: erakundearekin zerikusia duten artikuluak Wikipedian sortzea eta aberastea; erakundearen edukia lizentzia askean jar dadin laguntzea eta bultzatzea; eta erakundearen eta Wikipedia komunitatearen arteko harremanak garatzea. Egoiliarrak oro har lagundu ohi du, era berean, Wikipediarekin zerikusia duten GLAM erakundearen eta publiko orokorraren arteko jarduerak koordinatzen.[1]
Hainbat erakundek jaso dituzte wikilari egoiliarrak, haietako batzuk aski ezagunak, esaterako, Britaniar Museoa eta Britaniar Liburutegia, eta baita erakunde txikiagoak ere, adibidez, Erresuma Batuko Derby Museum and Art Gallery eta The New Art Gallery Walsall; Frantzian, Versaillesko jauregia; Katalunian Picasso Museoa; AEBetan, Smithsonian Institution, Gerald R. Ford Presidential Library, National Archives and Records Administration, Norvegiako Liburutegi Nazionala, eta Suitzako Artxibategi Federala.
Historia
aldatuLehen wikilari egoiliarra Liam Wyatt izan zen eta 2010ean bost astez Britaniar museoan aritu zen.[2][3] Ikusi zuen Wikipediak bazuela beharra museoekin lankidetzak sendotzeko informazio ahalik eta zehatzena eta eguneratuena sortzeko: «Lan bera egiten dugu arrazoi berengatik, jende berarentzat, medio berdinean. Lan egin dezagun elkarrekin!».[4] Bigarren egoiliarra Lori Phillips wikilaria izan zen Children's Museum of Indianapolis museoan, 2010ean ere. Hirugarrena Benoît Evellin izan zen eta sei hilabete eman zituen Versailleseko jauregian.[5] Bartzelonako Picasso Museoa eta Ingalaterrako Derby Museum and Art Gallery izan ziren ideia hau bereganatu zuten hurrengoak.[6][7]
Erreferentziak
aldatu- ↑ National Library of Scotland seeks Wikipedian in residence Bristol Wireless 2013/4/18, Woods, Steve (Ingelesez)
- ↑ (Ingelesez) «Venerable British Museum Enlists in the Wikipedia Revolution», Cohen Noam, New York Times, 2010-06-05.
- ↑ (Ingelesez) «Warming Up to the Culture of Wikipedia», Cohen, Noam, New York Times, 2014-03-19.
- ↑ (Ingelesez) Museum Hires «First Wikipedian-in-Residence», Insideindianabusiness.com, 2011-08-19.
- ↑ (Ingelesez) GLAM Versailles jauregia proiektuko orria
- ↑ (Ingelesez) GLAM Museu Picasso proiektuko orria
- ↑ (Ingelesez) GLAM Derby proiektuko orria
Kanpo estekak
aldatu- Ikusi Outreach wikin Wikilari egoiliar artikulua
Datuak: Q3809586
Multimedia: Wikipedians-in-Residence / Q3809586
Koordinazioa: Wikimedian in residence
