Orein arrunt
Orein arrunta ugaztun bat da, Asiako mendebaldetik penintsula iberikora eta Britainia Handira hedatzen dena. Badira beste orein-espezie batzuk ere, hala nola Kanadako oreina, baina orein arrunta handiagoa da. Espezie hau 20 urtera arte bizi daiteke, baina kasu gehienetan 10 urte izaten dira.
Taxonomia aldatu
| SAILKAPENA | IZENA |
|---|---|
| ERREINUA | Animalia |
| FILUMA | Chordata |
| KLASEA | Mammalia |
| ORDENA | Artiodactyla |
| FAMILIA | Cervidae |
| GENEROA | Cervus |
| ESPEZIEA | Cervus elaphus |
Nolakoa da? aldatu
Orein handia da (Altzeak eta Uapitiak bakarrik gainditzen dute), 160 cm-tik 250 cm-ra bitarteko luzera du eta 200 kg inguru pisatzen du arrak. Dimorfismo sexuala duen espezie bat da (emeak txikiagoak dira eta ez dute adarrik; arrek, berriz, urtero berritzen dituzte).
Zein da bere ekosistema mota? aldatu
Ipar hemisferioko eskualde gehienetan aurki daiteke espezie hau. Nahiz eta planetako eskualde batzuetan desagertu egin den, kirol-ehiza eta bere habitat naturalaren suntsipena dela eta, orein arrunta ez dago desagertzeko arriskuan.
Elikadura aldatu
Elikadurari dagokionez, orein arrunta belarjalea da, eta hostoz, adarrez, azalez, tuberkuluz eta sustraiz elikatzen da; batzuetan, frutak eta haziak gehi diezazkiokete dietari.
Zer nolako ohiturak ditu? aldatu
Egunsentian eta iluntzean aktiboagoa da orein mota hau, nahiko lotsatia eta beldurgarria baita. Gainera, bere portaera aldrebesa eta jarraitzeko zaila izaten da, ez baitu egun bat baino gehiago leku berean pasatzen eta gaua egiten denean dagoen tokian egiten baitu lo.
Nola ugaltzen da? aldatu
Emeak zortzi hilabetez ernaltzen dira. Jaio eta denbora gutxira altxatu egiten dira eta amei jarraitzen diete. Hala ere, ohikoena landaretzaren eta bularra ematen dutenen artean gordetzea da (egunean behin baino gehiagotan ematen baitiete), hiru hilabete bete arte.