Itsu (heste lodia)

Kolon itsuan apendize bermiforme izena duen egitura dago, gorriz ageri dena, eta batzuetan erauzi behar dena infektatzen delako.

Heste itsua heste lodiaren hasierako atala da.

Heste lodiak lau atal dauzka:

Heste itsua
Goranzko kolona
Kolon zeharra
Beheranzko kolona
Kolon sigmoidea. Jarraian uzkiarekin jarraituko da.

Heste itsua heste meharraren azken atala den ileonak heste lodiarekin bat egiten duen lekutik behera kokatuta dago. Zaku itxura dauka eta bere izenak dioen moduan, itsua da, ez dauka irtenbiderik. Honetan apendize bermiformea dago kokatuta.

Zenbaitetan apendizea infektatzen da (apendizitisa) eta ebakuntza baten bidez erauzi behar da. Apendizea erauzteak ez dauzka ondorio kaltegarririk.