Txikipedia:Ihi

Ihia hazkunde moteleko hosto iraunkorreko landarea da.

Kolore berdeko xafla zilindriko eta ziztakorrez osatuta dago, 1,5 eta 2 m arteko altuerara iristen direnak, eta metro bat arteko zabalera dutenak.

Gazitasunari ondo eusten dio, eta, horren ondorioz, landare interesgarria da padurak eta kostaldeko nahiz barrualdeko hezeguneak birpopulatzeko.

Hostoak

Zurtoinen oso antzekoak dira, baina bereizten dira puntetatik gertu lorerik ez dutelako. Lurrazpiko zurtoinetan sortzen dira, eta zurtoin horiek laburrak eta arrastakariak dira.

Zurtoina

Zurtoin erekto ugari dituzte, lurpeko zurtoinetatik sortzen direnak. Ez dira adarkatuak, biribilduak eta lore mordo bat dute punten azpian.

Loreak

Kolore berde, marroi edo gorrixkak dituzte. Adar trinkoen multzoetan elkartuta daude, sorta txikiz osatuak, bakoitza lore batetik 6ra bitartekoa, gutxi gorabehera. Lore bakoitzak txorten gutxi du, beraz, nahiko diskretuak dira.

Fruituak

Marroi eta gaztainondo kolore arteko kapsulak dira, arrautza itxurakoak, baina punta zorrotza dute. Bakoitza hazi obalatu ugariz beteta dago.

Non bizi da?

Zona heze eta  epeletan sortzen den landarea da, baina, hala ere, lur heze eta gaziak dituzten lur baxuetan hazten da, hau da, ur-ertzetan eta itsasotik gertu.

Mediterraneoko kostalde osoan zehar hedatzen da (Afrika iparraldean barnealderantz sartzen da), baita Europako itsasertz atlantikoan ere, Erresuma Batuko hegoalderaino. Orokorra da Iberiar Penintsulako kostaldean eta Balear Uharteetan. Mediterraneoko eskualdeetako paduretan eta leku heze gazietan bizi da, 250 metroraino.

Nola ugaltzen da?

Espezie hau hazi bidez ugaltzen da batez ere, baina zurtoin motz eta lurpekoen bidez ere hedatzen da (hau da, errizomen bidez). Haziak lokatzetan eta nekazaritzako produktu kutsatuetan sakabanatzen dira, baita uretan, ibilgailuetan eta makinetan ere. Errizomak laborantzan, bideen mantentze-lanetan eta lurzorua mugitzeko beste jarduera batzuetan barreia daitezke.

Plagak eta gaixotasunak

Landare indartsu eta erresistenteak direnez, ez da horrelako arazoez kezkatu behar.

Zertarako erabiltzen da?

Hostoekin teilatuak egin daitezke eta saski naturalak ehundu.

Gehienbat, sakonera txikiko ur metatuetan bizi diren espezie askori habitat naturala eman diezaiekete.