Enara azpizuria (Delichon urbicum) hegazti txiki bat da. Uda partean herri eta hirietan aurkitzen dugu. Neguan Afrika hegoaldean egoten da.
Deskribapena aldatu
Enara arrunta baino txikiagoa da. 13 zentimetroko luzera du eta 20 gramo pisatzen ditu. Burua, bizkarra eta buztana beltzak ditu eta azpialdea zuria da.
Elikadura aldatu
Enara azpizuriak intsektuak jaten ditu. Intsektuak hegan doala harrapatzen ditu.
Ugalketa aldatu
Etxeen teilatuen azpian egiten ditu habiak. Talde haundietan ibiltzen direnez habi asko egiten dituzte toki berean. Habiak buztinezkoak dira eta itxura borobila dute. 5 arrautza jartzen ditu batera. Txitoak jaiotzen direnean hilabete egoten dira habian, hegan hasi aurretik.
Izena hainbat hizkuntzatan aldatu
- Gaztelaniaz: Avión común
- Frantsesez: Hirondelle de fenêtre
- Ingelesez: Common house martin