Azkonar arrunt
Azkonar arrunta animalia ugaztuna da, eta Europan eta Asiako eremu handitan bizi da. Orain dela gutxi gora behera 4 milioi urtetik bizi da gure planetan.
Deskribapena aldatu
Animalia txikia da, 90 cm neurtzen du gorputz osoak, 18 cm buztanak, eta animalia berak 15 kg pisatzen du. Buztan luzea da; ile grisa gorputz osoan du, eta buruan, berriz, txuria bi marra beltzekin. Hankak laburrak eta sendoak dira. Mutur nabarmena eta gihartsua du; lepoa, berriz, motza eta zabala. Larrua lodia eta sendoa dauka.
Ugalketa aldatu
Ugalketa udaberri hasieran eta uda amaieran gertatzen da. Arrak kosk egiten dio emeari lepoan.
Haurdunaldiak 65 egun irauten du. Normalean jaiotza gehienak otsailean eta martxoan izaten dira.
Azkonarrak 2 eta 6 ume tartean egiten ditu. Umeak 12-15 cm luze izaten dira. Begiak 9-10 aste igaro ondoren irekitzen dituzte.
Elikadura aldatu
Azkonarrak orojaleak dira, hau da, denetik jaten dute. Intsektuak jaten dituzte, eta baita eztia ere. Hainbat narrasti txiki ere jan ditzazkete. Normalean gauez ehizatzen du.
Izena beste hizkuntzetan aldatu
- Gazteleraz: Tejón europeo
- Ingelesez: European badger
- Frantsesez: Blaireau