Aktinia gorria edo itsas tomatea Ozeano Atlantikoaren ipar-ekialdean eta Mediterraneoan bizi den anemona da.
Izena
aldatuBere izen zientifikoa Actinia equina da.
Deskribapena
aldatuEuskal Herriko kostaldeetan kolore gorria du baina beste leku batzuetan marroia, laranja edo berdea ere izan dezake. Zilindro itxurako gorputza du eta 5-7 cm arteko altuera hartzen du.
Gorputza biguna da. Goiko aldean ahoa du eta inguruan 192 garro. Garroen azpialdean kolore urdin biziko zakuz osaturiko eraztun bat du. Hauei esker elikagaiak eskuratzen ditu eta lurraldeagatik borrokatzen du.
Bizitokia
aldatuOzeano Atlantikoaren ipar-ekialdeko kostaldeetan eta Mediterranear itsasoan aurkitzen da.
Marearteko eremuetan aurkitzen da eta sakonera handiko eremuetan ere bai. 10-25ºC arteko tenperaturak atsegin ditu baina 2ºC-ko edo 28ºC-ko tenperaturetan ere bizi daiteke.
Elikadura
aldatuGarroekin harrapatzen dituen arrain txiki, krustazeo eta moluskuetaz elikatzen da. Orokorrean egunsentiko argitasunarekin izaten dira aktibo. Janari gutxi dagoenean tokiz mugitzen dira.
Ugalketa
aldatuSexuak bereizita dituzte. Enbrioia barruan garatzen da eta ondoren ahotik kanporatzen ditu emeak. 12 garroko aktinia txikiak kanporatzen dituzte eta inguruan finkatzen dira.