T.I.A (Técnicos de Investigación Aeroterráquea) Francisco Ibáñezek sortutako Mortadelo eta Filemon komiki saileko fikziozko erakunde bat da. Bere betebeharra hiritarrak zerbitzatu eta gaizkileengandik babestea da.

Ibilbide editorialaAldatu

Erakunde hau komiki sailean agertu zen lehen aldia 1969ko El sulfato atómico abenturan izan zen, sail honen lehen abentura luzea izan zena, non Mortadelo eta Filemon jada agertzen ziren bere ezkutuko agente bezala. Hasieratik, denbora askoan mantenduko ziren beste ezaugarri batzuk (ezkutuko sarrerak, egoera penagarrian zeuden eraikinak...) eta Vicente Superintendentea eta Bacterio profesorea bezalako pertsonaiak agertu ziren.

EzaugarriakAldatu

T.I.A CIA estatubatuar erakundearen parodia bat da. Konpentsazio bezala, gaizkile agentzia etsaiek A.B.U.E.L.A. (Agentes Bélicos Ultramarinos Especialistas en Líos Aberrantes) edo S.O.B.R.I.N.A (Sindicato Organizador Bollos Reivindicantes Inter Nacionales Atléticos) bezalako izenak dituzte.

T.I.Ak ezkutuko sarrerak gutxien uste den tokietan ere baditu, trafiko seinale soil bat edo zirko baten iragarpen kartela kasu, baita Lurretik ikus daitekeen eguzkiaren zirkulua ere, baina soilik agenteek dakite nola sartu, gainontzeko pertsonendako tranpak direlarik. Kartelak oso erabiliak dira sarrera bezala.

Ez da ezagutzen T.I.A.ko agente kopuru zehatza, kalkulatzen denez 50 izan daitezkeenak. Horien artean gehien erabiltzen denetako bat Bestiájez agentea da. Bere bi agenterik hoberenak Mortadelo eta Filemon Pi dira, euren misioetako asko sekulako desastrean amaitzen diren arren.

BibliografiaAldatu

Kanpo estekakAldatu