Lahar
- Beste esanahi batzuen berri izateko, ikus: «Lahar (argipena)»
Laharra edo sasia (Rubus fruticosus) arrosaren familiako eta Rubus generoko zuhaixka arantzatsua da, masustak ematen dituena. Hau da Euskal Herrian dagoen masusta-lahar ohikoena, Rubus ulmifolius laharrarekin batera.
| Lahar | |
|---|---|
 | |
| Sailkapen zientifikoa | |
| Erreinua | Plantae |
| Ordena | Rosales |
| Familia | Rosaceae |
| Generoa | Rubus |
| Espeziea | Rubus fruticosus |
TaxonomiaAldatu
Rubus generoaren taxonomia sailkapena oso zaila da eta arazoak eman ditu historian zehar, hibridazio eta apomixi arrazoiengatik. Horrela, laharrek batzuetan ehunka edo milaka espezie dituzte, asko sinonimoak izan daitezkeenak. Beste batzuetan espezie-konplexutzat jo izan dira, horien artean Rubus fruticosus bera.
EzaugarriakAldatu
Zurezko zurtoin arantzaduna du, eta luzea. Zurtoinetik edo hazitik ugal daiteke. Hiru gingil edo gehiagoko, eta arrautza-formako hosto konposatu erorkorra du; lorea, berriz, neurriz txikia eta kolorez zuria, arrosa edo gorria da.
Ale txiki askoren elkartzeaz (polidrupatan) eratutako fruitu mamitsua eta kolorez morea du (masusta).
Erreka-ondoetan, pinudietan, eta oro har hezetasun handia den lekuetan hazten da. Europa, Asia eta Ipar Afrikan hazten da.
Hostoak
Arantzak
Loreak
Fruitua
Masusta eskukada
ErreferentziakAldatu
- Artikulu honen edukiaren zati bat Lur hiztegi entziklopedikotik edo Lur entziklopedia tematikotik txertatu zen 2011/12/27 egunean. Egile-eskubideen jabeak, Eusko Jaurlaritzak, hiztegi horiek CC-BY 3.0 lizentziarekin argitaratu ditu, Open Data Euskadi webgunean.
Ikus, gaineraAldatu
Kanpo estekakAldatu
Datuak: Q13541716
Multimedia: Rubus fruticosus
