Palestinako Herriarekiko Elkartasunaren Nazioarteko Eguna
Palestinako Herriarekiko Elkartasunaren Nazioarteko Eguna azaroaren 29an ospatzen dute Nazio Batuek, egun horrek palestinarrentzat duen garrantziagatik. 1947ko azaroaren 29an, Nazio Batuen Erakundean (NBE) Estatu judua eta Estatu palestinarra onartu ziren, 181 Ebazpenaren bidez.[1]
| Palestinako Herriarekiko Elkartasunaren Nazioarteko Eguna | |
|---|---|
| Mota | nazioarteko egun |
| Honen izena darama | Palestina erdibitzeko Nazio Batuen Plana |
| Egun | Azaroaren 29 |
Ospakizuna aldatu
1977ko abenduaren 2an, Nazio Batuen Batzar Nagusiak, 32/40 Ebazpenean, azaroaren 29an Palestinako Herriarekiko Elkartasunaren Nazioarteko Eguna[2][3] ospatzeko eskatu zuen. Batzar Nagusiaren 1979ko abenduaren 12ko 34/65 Ebazpenak ospakizun horretarako posta-zigiluak sortzeko eskatu zuen.[3] Ospakizuna berretsi egin da, halaber, Batzar Orokorrak Palestinaren auziari buruz onartutako geroagoko beste ebazpen batzuen bidez.[4]
Nazio Batuen egoitzan (New York) eta Nazio Batuen bulegoetan (Geneva[5] eta Viena) izaten dira ospakizunak.[6][7][8] New Yorken Palestinari buruzko kultura-erakusketak egiten dira, Palestinar herriaren eskubide besterenezinak egikaritzeko Komiteak lagunduta, eta Palestinako Behaketarako Misio Iraunkorrak Nazio Batuei aurkeztuta.[4]
Urtero, egun horretan, gogorarazten da Palestinaren auzia ebatzi gabe dagoela, eta palestinarrek oraindik ez dutela baliatu autodeterminaziorako eskubidea, kanpoko esku-hartzerik gabe, eta independentziarako eta subiranotasun nazionalerako eskubidea; gainera, beren etxeetara itzultzeko eta beren ondasunak berreskuratzeko eskubidea dute. NBEk, Estatuek eta erakundeek Palestinako herriarekiko elkartasun-mezu bereziak ematen dituzte ospakizunetan, bilerak eta ekitaldiak antolatzen dituzte, argitalpenak eta informazio-materiala zabaltzen dituzte, besteak beste..[4]
Palestinako herriaren eskubide besterenezinak egikaritzeko batzordeak bilkura berezia egiten du NBEk New Yorken duen egoitzan. Bertan, Idazkari Nagusiak, Batzar Nagusiko lehendakariak, Segurtasun Kontseiluko lehendakariak eta NBEri, gobernuen arteko erakundeei eta Palestinako erakundeei dagozkien organoen ordezkariek parte hartzen dute, baita Palestinako presidenteak ere. Nazio Batuetako Palestinarren Eskubideen Dibisioak aldizkari berezi bat argitaratzen du urtero, Elkartasunaren Nazioarteko Egunean egindako adierazpenen testuak eta jasotako mezuak biltzen dituena.[4]
2012an, Batzar Orokorrak 67/19 Ebazpena onartu zuen, aldeko 138 botorekin, eta Erakundeko kide ez den estatu behatzaile gisa Palestina onartzea erabaki zuen.[9]
2015ean, NBEren Batzar Nagusiak 69/320 Ebazpena eman zuen, Nazio Batuetan kide ez diren estatu behatzaileen banderak jasotzeari buruzkoa. Nazio Batuek erabaki zuten kide ez diren estatu behatzaileen banderak, Palestinako Estatuaren bandera barne, Nazio Batuen egoitzan eta bulegoetan sartzea, Erakundeko kide diren Estatuen banderen ondoren. Palestinako Estatuaren bandera NBEren New Yorkeko egoitzara eramateko ekitaldia 2015eko irailaren 30ean egin zen.[10]
Aurreko urtean egindako ospakizunak aldatu
Ikus, gainera aldatu
Erreferentziak aldatu
- ↑ Día Internacional de Solidaridad con el Pueblo Palestino. .
- ↑ Resolución 32/40 de la Asamblea General de las Naciones Unidas. .
- ↑ a b General Assembly
- ↑ a b c d Antecedentes - Día Internacional de Solidaridad con el Pueblo Palestino. .
- ↑ United Nations Office at Geneva commemorates the International Day of Solidarity with the Palestinian People.
- ↑ General Assembly.
- ↑ Summary of the Commemoration of the International Day of Solidarity with the Palestinian People.
- ↑ The International Day of Solidarity with the Palestinian People
- ↑ 30 de novembre de 2012.
- ↑ Ceremonia de izado de la bandera del Estado de Palestina. .
Kanpo estekak aldatu
- Palestinako Herriarekiko Elkartasunaren Nazioarteko Egunaren egoitza ofiziala - Nazio Batuen Sistema