Maju de Araújo
Maria Júlia (Maju) de Araújo Dias (Rio de Janeiro, 2002ko ekainaren 20a) brasildar modelo, Interneteko ospetsu eta Downen sindromea duten pertsonen eskubideen aldeko ekintzailea da[1][2].
| Maju de Araújo | |
|---|---|
.png) | |
| Bizitza | |
| Jaiotzako izen-deiturak | Maria Júlia de Araújo Dias |
| Herrialdea |  Brasil |
| Jarduerak | |
| Jarduerak | modeloa, argazki-modeloa, Influencerra eta runway model (en)  |
Bizitza aldatu
Adriana de Araújo enpresaburuaren eta Orlando Pereira Dias sistemen analistaren alaba da. Bi ahizpa ditu: Ana Luísa eta Larissa. Txikitatik, modaren eta ikuskizunen munduarekiko interesa zuen. 16 urterekin, MGT Taldearen Passarela Proiektuaren bitartez, modelo profesional gisa trebatzen hasi zen. School Models ikastaroan sartu zen eta 2019ko azaroan ikasketak amaitu zituen. Downen sindromea duen eta Brasilgo Moda Astean parte hartu duen lehen modelo bihurtu zen[3][4]. Kanpaina bat jarri zuen martxan: «Inklusioa ez da moda, inklusioa herritartasuna da»[5].
MGT Taldearen Passarela Proiektuan hasi zuen bere ibilbidea eta Brasil Eco Moda astean parte hartu zuen. Bera izan zen Osasco Moda Astearen hirugarren edizioko aurpegi ofiziala[6]. Gainera, Maju de Araújok moda aste baten edizio bakarreko desfile gehienen munduko errekorra lortu du: berrogei aldiz baino gehiagotan desfilatu zuen Osasco Moda Astearen hirugarren edizioan[7].
Maju L'Óreal nazioarteko markaren Downen sindromea duen lehen enbaxadorea da[8].
2021eko irailean, Milango Moda Astean parte hartzera gonbidatu zuten[9]. Downen sindromea duen eta nazioarteko moda aste batean Brasil ordezkatu duen lehen modeloa da[10]. Urte bereko abenduan, Ahmi markarekin kontratua sinatu zuen[11]. Iragarkiak aldizkari asko erakarri zituen, besteak baste Vogue eta Forbes[11]. 2021eko abenduaren 31n, Forbes Under30 aldizkariaren 2021eko edizioaren azalean agertu zen[12].
Gaur egun, Maju de Araújo Rio de Janeiron bizi da eta inklusioaren, irisgarritasunaren eta errespetuaren aldeko ekintzailea da. Denbora librean dantza egitea, ikastea, kirola egitea eta moda-aholkuak emateko bideoak grabatzea gustatzen zaio[13].
Erreferentziak aldatu
- ↑ (Portugesez) «Primeira modelo com Síndrome de Down desfila nas passarelas do Brasil Fashion Week» Clic Camaquã 2019-12-23 (Noiz kontsultatua: 2024-02-18).
- ↑ (Portugesez) «Revolução e Oportunidade no mundo da MODA - Diversidade, Democratização, Tecnologia, Projeto online para descobrir modelos e influenciadores em todo Brasil» Terra (Noiz kontsultatua: 2020-08-21).
- ↑ (Portugesez) «Modelo com síndrome de Down Maju de Araújo é chamada de "a nova Gisele Bundchen" na Fashion Week» TV Seja 2020-01-17 (Noiz kontsultatua: 2024-02-18).
- ↑ (Portugesez) «Primeira modelo com síndrome de Down a desfilar nas passarelas do Brasil Fashion Week» Crianças Especiais 2019-12-03 (Noiz kontsultatua: 2024-02-18).
- ↑ (Portugesez) Garcia, Vera. «"Inclusão não é moda, inclusão é cidadania", afirma jovem modelo brasileira com síndrome de Down» Deficiente Ciente 2019-09-08 (Noiz kontsultatua: 2024-02-18).
- ↑ (Portugesez) «MC Guimê vira modelo e inspira grife com estilo ousado para o Osasco Fashion Week» Folha de S. Paulo 2020-03-11 (Noiz kontsultatua: 2024-02-18).
- ↑ (Portugesez) «Conheça a modelo com sídrome de Down quebrou recorde mundial na história da semana de moda» Crianças Especiais 2020-04-10 (Noiz kontsultatua: 2024-02-18).
- ↑ (Portugesez) Giannini, Alessandro. «A 1ª brasileira com síndrome de Down embaixadora da L’Oréal Paris» Veja 2021-06-25 (Noiz kontsultatua: 2024-02-18).
- ↑ (Portugesez) «Modelo brasileira com síndrome de down, Maria Júlia Araújo brilha na semana de moda de Milão: "Sonho"» Vogue 2021-09-25 (Noiz kontsultatua: 2024-02-18).
- ↑ (Portugesez) Rossi, Marina. «Maju de Araújo, modelo internacional com Síndrome de Down, abre as portas ao mundo real» El País Brasil 2021-11-01 (Noiz kontsultatua: 2024-02-18).
- ↑ a b (Portugesez) «Maju de Araújo, modelo com síndrome de Down, assina coleção de joias» Forbes Brasil 2021-12-17 (Noiz kontsultatua: 2024-02-18).
- ↑ (Portugesez) «Lista Forbes Under 30 2021: veja todos os homenageados» Forbes Brasil 2021-12-31 (Noiz kontsultatua: 2024-02-18).
- ↑ (Portugesez) «Conheça a primeira modelo com síndrome de down a desfilar no Brasil Fashion Week» Máxima 2019-12-23 (Noiz kontsultatua: 2024-02-18).
Kanpo estekak aldatu
Datuak: Q98636697
