Leire Markinez Calvo

Leire Markinez Calvo
	;
Bizitza
Jaiotza	Beasain, 1978 (45/46 urte)
Herrialdea	Gipuzkoa, Euskal Herria
Jarduerak
Jarduerak	artista eta margolana

Leire Markinez Calvo (Beasain, 1978) euskal artista da.

Arte Ederrak ikasi zituen. Pintura lantzen du bereziki eta teknika mistoez baliatzen da kolorez betetako margolanak sortzeko, abstraktuak zein figuratiboak. 2006an Chillida Lekun hasi zen lanean hezkuntza arduradun gisa eta lau urtez aritu zen bertan. ^[1]Egun, irakaskuntza arte tailerren antolaketarekin batera uztartzen du. Bere hitzetan, emozioen gorabeherak lantzen ditu, kolorez kolore.

Estilo artistikoa aldatu

Kolore bizi eta anitzeko pintura abstraktuak sortzen ditu. Sorkuntza horietan figuraziorik egon ez arren, biziki adierazkorrak dira. Hala ere, bere arteanak ez dute joera bera mantendu. Izan ere, 2013an elkarrizketa batean adierazi bezala, aurretik kolore ilunak erabili ohi zituen, marroixkak, lurraren tonalitate desberdinekoak.^[2] Aitzitik, egun kolore argiak dira nagusi zertzelada mota anitzeko konposizioetan. Besteak beste, bere lanak Altamirako Altarte elkartean erakutsi ditu.^[3]

Artistaren esanetan: "Normalean teknika ezberdinak lantzen ditut, pintura ezberdinak. Akuarelak daude, tinta, akrilikoak, oleoa, esmaltea, papela… denetik dago. Eta hori gustatzen zait, teknika ezberdinak erabiltzea eta bakoitzak eskaintzen duen texturarekin eta koloreekin jokatzea. Eta batez ere interesatzen zaidana da beraien artean sortzen diren erreakzio horiek, askotan kontrolatu gabeak direnak. Hori da nire lan egiteko modua. Garrantzia teknikari berari eta pinturari berari ematen diot, gai edo tematika jakin bati baino gehiago. Pintura erabili beharrean zerbait esateko, pintura bera da gaia."^[4]

Tailerren nondik norakoak aldatu

Azken urteetan zehar, arteari lotutako eskolak ematean aritu da. Antolatzen dituen tailer horietan, margolaritzaren bitartez ahalduntze prozesuan laguntzeaz gain, emozioen kudeaketarekin laguntzea du helburu. Halaber, pinturaz gainera bestelako baliabideak erabiltzen ditu: meditazioa, mugimendua edota baieztapenak kasu. Nabarmentzekoa da zehazki emakume autoestimua eta ahalduntze-prozesuan laguntzeko tailerrak garatu dituela. Zenbait tokitan antolatu ditu tailerrak, baina bereziki Tolosan aritu da, adibidez 2019, 2020 eta 2021 urteetan zehar.^[5]^[6]^[7] Alegia, bere tailerrek jarraikortasuna izan dute.

Bestelako ekarpenak aldatu

Gainera, 2007an liburu kapitulu bat argitaratu zuen izenburu honekin: "La educación artística para adultos en el tiempo libre. Estudio de casos: varios talleres de pintura de aulas de cultura de Guipúzcoa"^[8] artikulua idatzi zuen eta helduekin egindako tailer artistikoeetan izandako esperientziatik abiatutako hausnarketak partekatu zituen.