Lawrence Cutler Mansur

Estatubatuar fisikaria (1908 - 1994). Espazio-ontzien aitatzat hartua den Robert Goddard zientzialariarekin lan egin zuen 1928-1932 urteen artean. Mansurrek konbustio-ganberen eta haizebideen diseinuan lan egin zuen. Bigarren Mundu Gerran Massachusettseko Teknologia Institutuan jardun zuen lanean, eta mikrouhin-radarra asmatu zuen. Gerra ondoren Aireko Gudarostearen Cambridgeko Ikerketa Laborategiko buru izendatu zuten, eta erakunde horretan plasmari eta solido kristalinoei buruzko ikerketak egin zituen.

Erreferentziak aldatu

Artikulu honen edukiaren zati bat Lur hiztegi entziklopedikotik edo Lur entziklopedia tematikotik txertatu zen 2011/12/27 egunean. Egile-eskubideen jabeak, Eusko Jaurlaritzak, hiztegi horiek CC-BY 3.0 lizentziarekin argitaratu ditu, Open Data Euskadi webgunean.