Lauroba

Lauroba Donostian sortutako power-pop eta rock musika taldea da. Hainbat diska atera dituzte dagoeneko eta bertako abeslaria den Iker Laurobak ere atera ditu beste bi bakarka.

Lauroba
Datuak
Jatorria	Donostia (Gipuzkoa)
Musika mota	power-pop, rock
Urteak	2004 - 2018
Produkzioa
Diskoetxea(k)	GOR Diskak, Oihuka
Taldekideak
Iker Lauroba Haritz Lauroba Iñaki Ortego Ane Bastida Andoni Garcia
Lehengo taldekideak
Iñigo Asensio, Alain Urkola, Borja Fernandez
Informazio gehigarria

Taldekideak

Oraingo taldekideak (2016):

• Iker Lauroba - ahotsa, gitarra, sitarra, sintetizadoreak, organoa
• Haritz Lauroba - bateria
• Iñaki Ortego - pianoa
• Ane Bastida - baxua, koruak
• Andoni Garcia - gitarra

Ibilbidea

Taldea Iker eta Haritz Lauroba anaiek sortu zuten 2004an, aurretik zebiltzan Utikan eta Hamaika Bide taldeak utzi ondoren. 2005ean eman zuten aurreneko kontzertua Intxaurrondoko Gaztetxean. Bertan emandako zuzenekoa grabatu eta hau izan zen taldearen demoa. 2006an Borja Fernandez eta Alain Urkola batu zitzaien eta Donostiako pop-rock lehiaketa irabazi zuten. Honi esker 2006an lau abestitako maxi diska kaleratu zuten. 2008an grabatu zuten lehenengo diska, Gauari gauarekin. Ondoren diska berriak etorri ziren, ...egunarekin, Bidea eta IV.

Hamalau urteko ibilbidearen ondoren taldeak etenaldi bat hartzea erabaki du. 2018ko martxoan 3an eman zuten azken kontzertua Donostiako Doka kafe antzokian.

Diskografia

• Lauroba (2005) - maketa
• Lauroba (2007) - maxi diska, 4 kantu.
• Gauari gauarekin (2008, GOR Diskak)
• ...egunarekin (2010, GOR Diskak)
• Iglu bat basamortuan (2012, Oihuka)
• Bidea (2014, Oihuka)
• IV (2016, autoekoizpena)

Kanpo estekak

• Datuak: Q31188314