ZumaiaHE29/Proba orria

Zeriantoa Kantauri itsasoan, Mediterraneoan eta Itsaso Gorrian aurkitzen da.

Izena

Bere izen zientifikoa Cerianthus membranaceus da. Euskaraz "Zerianto" deitzen zaio.

Deskribapena

Gorputza poltsa forma duen hodi bat da eta ile itxura duten 150-200 garro ditu itsatsita. Kanpoaldeko ileak barnealdekoak baino handiagoak dira harrapakina ehizatzeko edota horiengandik babesteko. Poltsa barnean aho eta uzki funtzioa betetzen duen zulo bat du. Kolore zurikoak izaten dira, nahiz eta tonu horixkak, berdexkak, morexkak edo arrosak izan ditzakeen.

Bizitokia

Kantauri itsasoan, Mediterraneoan eta Itsaso Gorrian aurkitzen da. Plankton ugariko eta koral gutxiko toki babestuetan bizi dira.

Ur azaletik 400 metrotako sakonera arteko uretan bizi dira, eta tenperatura hotz eta epeletan.

Elikadura

Tamaina txikiko krustazeoak, arrain txikiak eta animaliaz osatutako planktonaz osatutako animalien larbak harrapatzen ditu.

Ugalketa

Arrautzak jartzen dituzte eta bertatik larbak ateratzen dira. Hasiera batean ar jaiotzen dira eta ondoren eme bihurtzen dira.

Ba al dakizu

Zeriantoen hodietan hainbat espezie txertatzen dira, batez ere itsas zizareak eta izkirak. Horrela zeriantoak askatzen dituen elikagai soberakinak harrapatzen dituzte.