Ireki menu nagusia

Killarneyko aintzirak (ingelesez Lakes of Killarney, irlanderaz Loch Léin) Irlandako hego-mendebaldean dagoen Kerryko konderrian dauden aintzira multzo bat dira. Killarney Parke Nazionalaren barnean kokatzen dira, Killarney udalerritik oso hurbil. Hiru aintzira dira guztira, Leane aintzira, Muckross aintzira eta Upper aintzira. Ingurua menditsua da, eta bertan dago Irlandako mendirik garaiena den Carrauntoohil mendia (1.039m).

Killarneyko aintzirak
Lakes of Killarney (en), Loch Léin (ga)
Lakes of Killarney.JPG
Datu orokorrak
Geografia
Koordenatuak 52° 02′ 30″ N, 9° 33′ 00″ W / 52.041666666667°N,9.55°W / 52.041666666667; -9.55Koordenatuak: 52° 02′ 30″ N, 9° 33′ 00″ W / 52.041666666667°N,9.55°W / 52.041666666667; -9.55
Herrialdea Irlandako Errepublika
Lurraldea Kerryko konderria
Babestutako-eremua Killarney Parke Nazionala

Leane aintziraAldatu

Hiruretan handiena da, 19 km²-ko azalera dauka. Irlanderazko Loch Léin izenak "ikasbidearen aintzira" esan nahi du, ziurrenik Inisfallengo uhartean zegoen monasterioari egingo dio erreferentzia. Aintziratik Laune ibaia ateratzen da Dingle badiarantz.

Inguruan dituen eraikinen artean aipagarriena Ross gaztelua da. Bestalde, hiru aintziren artean beheren dagoena izanik Killarney herria ere bertan dauka.

Ibilbideak markaturik daude oinez edo bizikletaz ibilaldiak egiteko. Txalupak ere aloka daitezke.

Muckross aintziraAldatu

Middle lake ere esaten zaio, beste bi aintziren artean baitago. Muckross izena Muckross abade-etxeak ematen dio. Owengarriff ibaiak 18 metrotako saltoa egiten du aintziran sartu aurretik. Urjauziaren izena "Torc waterfall" da. Dinis uharteak banatzen du Lane aintziratik.

Goiko aintziraAldatu

Ingelesez Upper lake, izenak dioen bezala altuen dagoen aintzira da, hiruretan txikiena ere bai. Long Range ibaiak elkartzen du Muckross aintzirarekin.

IruditegiaAldatu

Wikimedia Commonsen badira fitxategi gehiago, gai hau dutenak: Killarneyko aintzirak