Kika Supersorgina
Kika Supersorgina Knister (Ludger Jochmann) alemaniarrak idatzitako liburu multzo bat da. 1997. urtean idatzi zuen lehena Kika Supersorgina detektibea izenarekin. Euskal Herrian Bruño argitaletxeak eskaini dizkigu albumeko liburu guztiak. Liburuek lauzpabost kapitulu dituzte; gainera, bi trikimailuz daude hornituta eta irakurleari gaiaren inguruan jolasteko aukera ematen diote.
| Kika Supersorgina | |
|---|---|
| Jatorria | |
| Egilea(k) | Knister (en)  |
| Ezaugarriak | |
| Genero artistikoa | fantasia eta haur literatura |
| Hizkuntza | alemana |
2009an filma[1] sortu zuen Disney-k, ondorengo izenarekin: Hexe Lilli, der Drache und das magische Buch. Urte berdinean, zehazki ekainaren 12an, Euskal Herrian gaztelerazko bertsioa estreinatu zen Kika Superbruja y el libro de hechizos izenpean.
Argumentua aldatu
Kika neskato bat da, bere neba Dani eta bere gurasoekin bizi dena. Egun batean, ustekabean magia liburu bat topatzen du bere ohe azpian, Elbiriña sorginarena. Sorginaren jauzia deituriko trikimailu baten bitartez garai eta lurralde ezberdinetara bidaiatzea lortzen du. Trikimailu hori aurrera eramateko, ezinbestekoa izango du joan nahi duen garaiko eta lekuko objektu bat eskuratzea.
Kikak ez du bere familiak honen berri edukitzerik nahi, baina hori lortzea ia ezinezkoa zaio, bere nebak ez baitio bakean uzten. Dani arreba baino gazteago den mutiko kuxkuxero eta bihurria da, bere arreba etengabe zelatatzen duena. Honen harira, idazle alemaniarrak beste bilduma bat plazaratu zuen, Kika Supersorgina eta Dani izenpean; bertan Dani eta Kikaren abenturak narratzen dira.[2]
Erreferentziak aldatu
- ↑ .
- ↑ .[Betiko hautsitako esteka]
Datuak: Q1616715
