Irutontorreta
Euskal Herriko mendia
Irutontorreta, Gipuzkoa probintzian topa dezakegun euskal mendia da. Kanpazarretik Bergararaino luzatzen den bizkar luzearen ekialdeko muturrean dago Irutontorretako gaina. Pinudiak estaltzen ditu ia erabat mendi honen isurialde guztiak eta bada pista ugari pinudi horietan barrena, baina bidetik kanpo sasia eta otea dira nagusi gehienean; nahiko monotonoa da paisaia alde horretatik. Nahiko erraz egin daiteke ordea bizkarreko bidea gasbidearen arrastoa jarraituz, Intxorta aldetik etorri eta bizkar guztia zeharkatzen baitu, bizkarra osatzen duten muino guztiak erdiz-erdi gaindituz. Tontorrean erpin geodesikoa, haitz bakan batzuk eta buzoia, gasbidearen aldamenean. Udalaitzen itzala nabarmentzen da Kanpazar aldean.
| Irutontorreta | |
|---|---|
| Datu orokorrak | |
| Garaiera | 621 |
| Mota | mendi |
| Geografia | |
 | |
| Koordenatuak | 43°05′35″N 2°27′25″W / 43.093°N 2.457°W |
| Mendikatea | Elgetako mendiak |
| Herrialdea |  Euskal Herria |
| Probintzia |  Gipuzkoa |