Irekidura (argazkigintza)

Irekidura, argazkigintzan, argia igarotzen den zuloa da. Zehazkiago, optika sistema bateko irekidura irudiaren planoan fokuratzen diren izpi-sortaren konoa finkatzen duena da.

Diafragma baten irekidura ezberdinak.

Argazkigintzan irekidura magnitudea diafragmak kontrolatzen du, zeina sistemak onartzen duen argi kopurua erregulatzeko haren ibilbidean jartzen den egitura bat da. Obturazio abiadurarekin konbinatuz gero, irekidura tamainak film edo sentsoarearen esposizio maila erregulatzen du, honebestez esposizio balorea zehaztuz.

Irekidura-tamaina txikiagotzen (f zenbakiak handituz) "pase bateko" gehikuntzarako diagrama. Zirkulu zuri bakoitzak bere eskuineko zirkulu zuriaren azalera bikoitza du.

Argazki-objektibo baten irekidura tamaina ezberdinetara egokitu daitekeen zulo bat da, irekidura-eraztuna erabiliz. Eraztun hori lentearen atzean dago, baina obturadorearen aurrean. Irekidura-eraztuna zirkulu lau bat da, erdian zulo txiki bat duena. Zulo txikiari irekidura deitzen zaio. Irekiduraren tamaina alda daiteke. Irekidura oso txikia denean argi kopuru txiki bat bakarrik sar daiteke kamerara. Irekidura handia denean, argi asko sar daiteke.

Honi esker, argazkilariak argazki-filmera edo irudi-sentsorera iristen den argi kantitatea kontrolatzen du. Irekidura obturadore-abiadurarekin batera aldatzen da kamerara sartzen den argi kantitatea kontrolatzeko. Argi kantitate horri esposizioa deitzen zaio. Normalean, obturadore-abiadura bizkorrak ez du argi asko sartzen uzten (argazkia ilunegi atera daitekeela esan nahi du), beraz, argazkilariak irekidura handiagoa erabiliko du hori zuzentzeko. Obturadore-abiadura motelak irekidura txikiagoa beharko du argazkia distiratsuegi ateratzeko.

Irekiduraren tamaina "f zenbakia" gisa deskribatzen da. Zuloaren tamaina lentearen foku-distantziarekin erlazionatuta deskribatzen duen zenbaki bat da. Zenbaki baxu batek (adibidez, f1.4 edo f2.8) irekidura zabalik dagoela esan nahi du, eta argi asko sartzen uzten du. Zenbaki altu batek (adibidez, f8 edo f11) irekidura txikia dela esan nahi du, eta ez duela hainbeste argi sartzen uzten.

Kanpo estekak aldatu