Ipar Pazifikoko itsaslasterra
Ipar Pazifikoko itsaslasterra[1] edo Ipar Bareko itsaslasterra[1] (batzuetan, Ipar Pazifikoko jitoa ere baderitzo), Ozeano Barean mendebaldetik ekialderantz higitzen den itsaslaster bat da. 40º N eta 50º N latitudeen artean higitzen da, eta aski motela eta epela da.
![](http://upload.wikimedia.org/wikipedia/commons/thumb/8/85/KuroshioOyashio.jpg/300px-KuroshioOyashio.jpg)
Ipar Pazifikoko itsaslasterra Ipar Pazifikoko bira subpolarraren parte da, eta, halaber, Ipar Pazifikoko bira suptropikalaren iparraldea eratzen du.
Ipar Pazifikoko itsaslasterra bi itsaslasterrek aurrez aurre topo egiten dutenean sortzen da: Kuroshio itsaslasterra, Japoniako ekialdeko kostan zehar iparralderantz egiten duena; eta Oyashio itsaslasterra, hegoalderantz higitzen den eta erloju-orratzen noranzkoaren aurka zirkulatzen duen itsaslaster subartiko hotza. Ipar Pazifikoko ekialdean, Columbia Britainiarretik gertu, bitan banatzen da: hegoalderantz, Kaliforniako itsaslasterra abiatzen da, eta iparralderantz, Alaskako itsaslasterra.
Erreferentziak
aldatu- ↑ a b Euskaltzaindia. (2012-10-18). 172. araua: Itsaslasterren izenak, itsasgune batzuen izenak eta Antartikako toponimia. (Noiz kontsultatua: 2013-02-10).