Inklings

Inklings talde literario britaniarra izan zen. Partaide gehienak Oxfordeko Unibertsitatearekin lotuta zeuden eta sinismen kristauak zituzten. Taldearen bilkurak 1930eko hamarkada hasieran hasi zen hirurogeiko hamarkada arte; izan ere, taldearen urte aberatsenak 1949 arte iraun zuen. Literatura zale porrokatuak ziren eta narratibari eta fikzioari balore berezia ematen zieten. Fantasiazko literatura bultzatu zuten.

Eagle and Child pub, Inklings taldea biltzen zen tokia.

Eagle and Clild pub. Izkina horretan biltzen zen taldea, The Rabbit Room deitzen zioten.

Taldearen partaideak

Garaian ohikoa zen moduan, guztiak gizonak ziren. Emakume bakarra hurbildu zen bileretara: Dorothy L. Sayers. Literatura hizketaldiaren partaide nagusiak hauek ziren:

• Owen Barfield
• J. A. W. Bennett
• Lord David Cecil
• Nevill Coghill
• Hugo Dyson
• Adam Fox
• Roger Lancelyn Green
• Robert Havard (Humphrey)
• C. S. Lewis (Jack)
• Warren Lewis (Warnie, C. S. Lewisen anaia nagusia)
• J. R. R. Tolkien (Tollers)
• Christopher Tolkien, aurrekoaren semea
• Charles Williams

Ohiturak eta bilerak

Zurezko plaka batek gogorazten du taldea esertzen zen tokia.

Taldea toki desberdinetan joan zen biltzen. 1949 arte, ostegunetan, afaldu ondoren Lewisen geletan biltzen zen, Oxfordeko Unibertsitatearen Magdalen Collegen. Bilkura horietan filosofia eta literaturari buruz hitz egiten zuten edo norberak egindako testuak irakurtzen zuten. Bilera horietan, esaterako, Tolkienen Eraztunen Jauna edo Charles Williamsen All Hallows' Eve lehen aldiz aurkeztu ziren. Dena dela, bilerak ez ziren oso formalak eta bazegoen txantetarako lekua. Denborarekin beste lokaletan ere bildu ziren: astearteetan, eguerdian, Oxfordeko Eagle and Child pubean. Geroago ere kale bereko beste pub batera hasi ziren joaten, Lamb & Flag.

Taldea oso informala zen: ez zegoen ez araurik ezta estatuturik ere.

Kanpo estekak

• (Ingelesez):C. S. Lewis & The Inklings Resource Site.
• (Ingelesez):C. S. Lewis Foundationen webgunea.

• Datuak: Q81984