Helvella pithyophila

Helvella pithyophila Helvellaceae familiako onddo espezie bat da. Gordinik toxikoa, denbora luzez egosi behar da. Kalitate txarreko haragia du. Helvella crispa-ren sinonimoa autore batzuen arabera.

Helvella pithyophila
Sailkapen zientifikoa
Erreinua	Fungi
Klasea	Pezizomycetes
Ordena	Pezizales
Familia	Helvellaceae
Generoa	Helvella
Espeziea	Helvella pithyophila Boud., 1887

Sinonimoa: Helvella crispa var. pithyophila .

Deskribapena

Karpoforoa: 2 eta 6 cm bitarteko diametrokoa, mitra edo zela itxurakoa, oso irregularra, 2-3 tolesduradun lobulu handirekin, ertz finarekin inkurbatua eta uhinduarekin. Kanpoko gainazal himeniala tolesdura irregularrekin, hori-okre-gris kolorekoa. Barneko gainazal ez-himeniala zimurtua, zertxobait argiagoa.

Hanka: Zilindrikoa, lodia, barnehutsa, luzetarako saihets gris-more kolorekoekin, oinarri aldera loditua.

Haragia: Zurixka, mehea eta hauskorra. Usain eta zapore leunekoa.

Etimologia: Helvella hitza latinetik dator, eta lekale, barazkiak, esan nahi du, oro har, belar usaintsuak.

Jangarritasuna

Jangarria baina denbora luzez egosi ondoren.

Nahasketa arriskua

Helvella crispa, ia berdina da, baina ez da hain horixka eta oin zuria du (ez grisaxka), oineko saihetsak forma ezberdinekoak. Helvella elastica lirainagoa da, kapela ez du hain horia, saihetsak ez ditu gris-more kolorekoak eta ez hain estu.

Sasoia eta lekua

Udazkenean. Talde txikietan. Arraroa, oso urria. Klima mediterraneokoa. Artadien, artelatzen, pinuen, Quercus-en eta beste hostozabal batzuen azpian. Lurzoru karetsuetan eta hareatsuetan.

Banaketa eremua

Espainia, Frantzia.

Kanpo estekak

• Datuak: Q109055209