Gema Igual
Gema Igual Ortiz (Santander, Kantabria, 1973ko irailaren 10a) kantabriar politikaria da, Santanderko alkatea 2016ko azaroaren 17an.[1] Kantabriako Alderdi Popularrekoa da.
| Gema Igual | |||||
|---|---|---|---|---|---|
 (2019) | |||||
| |||||
| Bizitza | |||||
| Jaiotzako izen-deiturak | Gema Igual Ortiz | ||||
| Jaiotza | Santander, 1973 (50/51 urte) | ||||
| Herrialdea |  Espainia | ||||
| Hezkuntza | |||||
| Hizkuntzak | gaztelania | ||||
| Jarduerak | |||||
| Jarduerak | politikaria | ||||
| Lantokia(k) | Santander | ||||
| Sinesmenak eta ideologia | |||||
| Alderdi politikoa | .svg){kind=small} Alderdi Popularra | ||||
Biografia aldatu
Santanderren jaio bazen ere, Arnuero herriaren parte den Islan hazi zen.[2] Hiru neba-ahizpetako bat, José Manuel, udalerri horretako alkatea eta PPko diputatu autonomikoa da.
Kantabriako hiriburuko La Albericia institutuan bigarren hezkuntzako ikasketak egin ondoren, irakasle-ikasketak egin zituen Kantabriako Unibertsitatean, baina ez zituen ikasketak amaitu, Madrilen lana aurkitu baitzuen.
Lan ibilbidea aldatu
Espainiako hiriburuan turismo agentzia batean aritu zen lanean zortzi urte inguru.[2]
Santanderrera itzuli zenean, Kantabriako Enpresari Gazteen Elkarteko gerentea izan zen.[2]
2003an, Gonzalo Piñeiroren eskutik iritsi zen Santanderko Udalera. Han, zinegotzi zela, hainbat arlotan aritu zen: Turismoa eta Festak (2003-2007); Turismoa eta Protokoloa (2007-2011); eta Turismoa eta Erakundeekiko Harremanak (2011-2015, eta 2015eko ekainetik 2016ko azarora).[2]
Santanderko PPren hautagaitzaren bigarren postuan egon zen 2007, 2011 eta 2015eko hauteskunde deialdietan.[3]
2016ko azaroaren 17an Santanderko alkate izendatu zuten, Sustapen ministro berria zen Iñigo de la Sernaren ordez,[4] horrela, hiriaren historiaren kargu egin zen lehen emakumea bihurtu zen.[5]
2000. urteaz geroztik Kantabriako PPn afiliatuta dago, eta eskualdeko alderdiaren Batzorde Betearazleko kidea da eta Kantabriako PPko Alkateen Kontseiluko lehendakaria izan da.[6]
2016ko abendutik, Espainiako Udal eta Probintzien Federazioko Gobernu Batzordeko kidea da.[7]
Horrez gain, Santander Creación Fundazioko presidentea da, eta Santanderko alkatea izanda, Arku Atlantikoko Hirien Konferentziaren lehendakariordetzan dago.[8]
Kantabriako PPko hautagai gisa aurkeztu zen Santanderreko 2019ko udal-hauteskundeetan. Udaleko 25 zinegotzietatik 11rekin irabazi zuen. Ciudadanos eta Vox taldeekin ituna egin ondoren, alkatetza hartu zuen 2019ko ekainaren 15ean.
2023an alkatetza berretsi zuen, Udaleko 27 zinegotzietatik 14 lortu ondoren.
Erreferentziak aldatu
- ↑ Gema Igual Ortiz, alcaldesa de Santander. .
- ↑ a b c d Santiago, Violeta. (15 de junio de 2019). Gema Igual apela al consenso para construir el futuro de Santander. Santander.
- ↑ Número 2 lista PP Ayuntamiento de Santander. .
- ↑ Gema Igual, nueva alcaldesa de Santander en sustitución de Íñigo de la Serna. .
- ↑ Primera alcaldesa de Santander. .
- ↑ Miembro del Comité Ejecutivo del PP de Cantabria. .
- ↑ Vocal de la FEMP. .
- ↑ Nueva presidenta de la Fundación Santander Creativa. .
Ikus, gainera aldatu
Kanpo estekak aldatu
Datuak: Q27840113
Multimedia: Gema Igual / Q27840113
