Espezie kaltebera

Espezie kaltebera da Natura Kontserbatzeko Nazioarteko Batasunak desagertzeko arriskuan dagoela sailkatu duen espezie bat, baldin haren biziraupena eta ugalketa arriskuan jartzen duten inguruabarrak hobetzen ez badira.

IUCNren Zerrenda Gorrian animalien egoera neurtzen da. Arriskuan dauden animaliak hiru mailatan sailkatzen dira. Espezie kalteberak VU ikurraz adierazten dira (ingelesezko vulnerable adjektibotik).

Kalteberatasuna espeziearen habitata galtzeak edo suntsitzeak eragiten du, batez ere. Habitat eta espezie kalteberei segimendua egiten zaie, eta galtzeko arriskuaren maila handitzen edo txikiagotzen den jakiteko. Kalteberatzat katalogatutako espezie batzuk ugariak ohikoak izan daitezke gatibutzan; halaxe gertatzen da guakamaio berdearen kasuan, esaterako.

2012. urtean, 5.196 animalia eta 6.789 landare zeuden kalteberatzat sailkatuta; 1998an, berriz, 2.815 eta 3.222 ziren, hurrenez hurren.^[1] Animalien baliabide genetikoen kriokontserbazioa eta antzeko teknikak erabili dira ganadu arraza kalteberak kontserbatzeko ahaleginetan.

Erreferentziak

↑ IUCN. (2012). IUCN Red List version 2012.2: Table 2: Changes in numbers of species in the threatened categories (CR, EX, VU) from 1996 to 2012 (IUCN Red List version 2012.2) for the major taxonomic groups on the Red List. .

Kanpo estekak

(Ingelesez) UICNko espezie mehatxatuen zerrenda gorriak identifikatutako espezie kalteberen zerrenda.

[iucn_2012.2-1] IUCN. (2012). IUCN Red List version 2012.2: Table 2: Changes in numbers of species in the threatened categories (CR, EX, VU) from 1996 to 2012 (IUCN Red List version 2012.2) for the major taxonomic groups on the Red List. .

[1]