Dora Margaret Batty

Dora Margaret Batty
Bizitza
Jaiotza	Colchester, 1891ko urtarrilaren 12a
Herrialdea	Erresuma Batua
Heriotza	1966ko uztailaren 10a (75 urte)
Hezkuntza
Heziketa	Anglia Ruskin University (en)
Hizkuntzak	ingelesa
Jarduerak
Jarduerak	diseinatzaile grafikoa, oihal diseinatzailea, zeramikaria, ilustratzailea eta diseinatzailea
Lantokia(k)	Londres
Enplegatzailea(k)	Central School of Art and Design (en)

BIZITZA

Dora Margaret Batty (Colchester (Essex), 1891ko urtarrilaren 12a – Colchester (Essex), 1966 ) XX. mendearen lehen erdiko disziplina anitzeko diseinatzaile britainiarra izan zen. Denboraren poderioz, irudi, kartelen diseinu, zeramika eta ehunen arloko funtsezko pertsonaia bihurtu da. Bere karrera artistikoak esparru asko hartzen ditu, eta diseinuaren muinean bertan arrasto ezabaezina utzi du. Zehazki, Gouache, boligrafo edo luma, tinta eta grabatua tekniketan espezializatu zen.

Colchesterreko (Essex) Erreberendoaren hiru alabetatik gazteena zen. Bere aita kongregazioaren ministro bat zen eta 40 urtez egon zen pastoral lana burutzen Colchester-eko Stockwell Congregational Chapel-en. Bere amaren ezagutzari esker, bere bizitza eta lana gidatu zuen oinarri etiko sendoa lortu zuen.

Dora Margaret Battyk Chelmsfordeko Zientzia eta Arte Eskolan ikasi zuen bere hezkuntza. Eskola hartan, bere gaitasun artistikoa nabarmendu zen eta hainbat sari lortu zituen bertan. Hala, aitorpen goiztiar horrek diseinuaren munduan karrera distiratsua egiteko oinarriak ezarri zituen

1932tik aurrera, Batty irakaskuntzan aritu zen Central School of Art-eko ehun-diseinuko sailean, eta han jardun zuen saileko zuzendari 1950 eta 1958 artean.

Bizitza osoan Londresen bizi izan arren, Battyk azken atsedena aurkitu zuen Essex-en, 1966an hil baitzen. Dena den, bere ondareak bere sorkuntzen bidez irauten du, denbora gainditu eta diseinatzaile garaikideentzako inspirazio iturri izaten jarraitzen baitu.

LANAK

Dora Margaret Battyk 1920ko eta 1930ko hamarkadetan gaur egun ezagutzen ditugun diseinu gehienak egin zituen teknika sorta zabala erabiliz, diseinatzaile gisa duen aldakortasuna nabarmendu egin zen. 1921 eta 1938 bitartean, kartelen diseinuan egindako lanagatik ezagutu zen, Underground eta London Transport taldeekin lankidetzan. Garai hartan, 50 diseinu baino gehiago egin zituen estilo desberdinetan, eta asko lagundu zion garaiko arte grafikoari.

Moldakortasuna eta sormena ere nabaritu ziren modaren eta ehun-diseinuaren munduan egindako ekarpenetan, Helios-entzako lan nabarmenekin, bai eta zeramikan ere, non arrastoa utzi baitzuen izen handiko marketan, hala nola Poole Pottery eta Carter & Co. Bere diseinuak, Art Deco estilo nahastezinak markatuak, bere garaiko sinbolo bihurtu ziren.

Dora Margaret Batty ez zen merkataritza eremura mugatu, liburuen ilustratzaile eta irakasle gisa ere trebea zen. 1932tik 1958an erretiratu zen arte, Arte eta Ofizioen Eskola Zentralean maistra gisa jardun zuen. Eskola zuzendari izendatu zuten. Irakaskuntzarekin zuen konpromisoa eta etorkizuneko diseinatzaileen belaunaldietan izango duen eragina ezin dira baliozkotu.

Dora M. Battyren lan emankorrak, Art Deco estilo bereziarekin, aztarna sakona utzi du diseinuaren munduan. Susu ilustrazioek, kartelek eta pieza zeramikoek beren garaiko ikusizko kultura aberastu dute, eta irakaskuntzan aritzeak eragina izan du artisten ondorengo belaunaldietan.

LAN AIPAGARRIENAK

London Underground Posters

Kew Gardens, foxgloves, 1924
From country to the heart of town, 1925
For Picnics and Rambles from Town to Open Country
Crocuses are out, 1927
Come out and see it, 1927
Daffodils are blooming, 1927
See London's Gardens, 1927
The Underground brings all good things nearer, 1930
RAF Display at Colindale Station, 1932
Trooping the Colour, 1936

Book illustration

W.H. Davies, A Poet's Alphabet, 1925
W.H. Davies, The Song of Love, 1926
W.H. Davies, A Poet's Calendar, 1927
How to Buy and Sell Money The Curwen Press, 1929 (contributor)
Shell-Mex and BP Ltd, The Care of Your Tractor, n.d. ca 1930
The B.B.C. Year-Book, 1931, 1932 and 1933 (dustwrapper)
Geoffrey Holme, The Children's Art Book, 1939 (contributor)
William Cowper, John Gilpin, [1942] (Bantam Picture Book No. 17)
The Giant without a Heart. An old Norse fairy tale, 1944

Ceramics

Hans Van Lemmen, Art Deco Tiles, 2012

BIBLIOGRAFIA:

Ongi etorri Wikipediara. (2024/03/24). In Wikipedia. 2024ko martxoaren 24an hemen eskuragarri: https://eu.wikipedia.org/wiki/Azala
Wikipedia Commons (2024/03/08). In Wikipedia. 2024ko martxoaren 24an hemen eskuragarri: https://commons.wikimedia.org/wiki/Main_Page
Dora Batty (2024/03/07). In Wikipedia. 2024ko martxoaren 24an hemen eskuragarri: https://en.wikipedia.org/wiki/Dora_Batty
Dora M. Batty. (g.g.). Diseñadorasgraficas. https://disenadorasgraficas.com/portafolio/dora-m-batty/ (2024/03/24).
RA Collection: People and Organisations. (g.g). royalacademy. https://www.royalacademy.org.uk/art-artists/name/dora-m-batty (2024/03/24).
Dora M Batty posters. (g.g.). London transport museum. https://www.ltmuseum.co.uk/collections/stories/design/dora-m-batty-posters (2024/03/24).
Dora M. Batty entre flores. (2014ko apirilak 14). Mondobelo Blog. https://mondobeloblog.blogspot.com/2014/04/dora-m-batty-entre-flores.html (2024/03/24).