Doinu (ahoskera)

Doinua edo Hegoaldeko euskalkietan azentua deitzen zaio ahotsaren tonu aldaketen segidari. Hizkera bakoitzean doinu molde bat gertatzen da. Euskalkien artean badaude hainbat doinu. Hiztunek bere inguruko doinua neutrotzat jo ohi dute eta beste euskalkietako doinuak, ordea, doinu markatutzat jotzeko isuria egoten da. Hitz bakoitzak badu bere doinua, bere intonazioa. Lekutik lekura aldaketak antzeman daitezke, eta doinu aldaketak denboraren lerroan ere gertatzen direla ikusi da sakon aztertu diren hizkuntza guztietan.