Cortinarius purpureobadius
Cortinarius purpureobadius Cortinariaceae familiako onddo espezie bat da. Zenbait autoreren iritziz, onddo hau pozoitsua da.
Cortinarius purpureobadius | |
---|---|
Sailkapen zientifikoa | |
Erreinua | Fungi |
Klasea | Agaricomycetes |
Ordena | Agaricales |
Familia | Cortinariaceae |
Generoa | Cortinarius |
Espeziea | Cortinarius purpureobadius Sacc., 1887 |
Sinonimoa: Cortinarius anthracinus.
Deskribapena
aldatuKapela: 3 eta 6 cm bitarteko diametrokoa, zetadun fibrilosua, erdigunea ia leuna, arre-purpura ilun kolorekoa eta ertza arrosa-karmin kolorekoa.
Orriak: Laranja-karmin kolorekoak.
Hanka: 6 cm inguruko garaierakoa eta 0,5 cm inguruko diametrokoa, ia zilindrikoa, karmin koloreko fibrilaz inguratua, hondo arrosa-laranja kolorekoaren gainean, oinarria arrexka kolorekoa.
Haragia: Antzeko kolorekoa. Espora-jalkina marroi-herdoil kolorekoa.[1]
Etimologia: Cortinarius hitza gortinatik dator, gortina eta guzti, errezelaren hondakin bereizgarriak direla eta. Anthracinus epitetoa grekotik dator, rubi harri preziatu gisa koloreztatua, esan nahi duen "anthrákinos" hitzetik.
Jangarritasuna
aldatuEz da jangarria.
Nahasketa arriskua
aldatuCortinarius hemitrichus itxuraz antzekoa da.
Sasoia eta lekua
aldatuUdan eta udazkenean. Batez ere urkien azpian.
Banaketa eremua
aldatuErreferentziak
aldatu- ↑ (Gaztelaniaz) Bon,Marcel. (1988). Guia de Campo de los hongos de Europa. Ediciones Omega, S. A. Barcelona, 224 or. ISBN 84-282-0865-4..
- ↑ Cortinarius purpureobadius: GBIF—the Global Biodiversity Information Facility.