Biztanleria Aktiboaren Inkesta
Biztanleria Aktiboaren Inkesta[1] (BAI)[2] aldian-aldian egiten da Espainiako Estatuan, langabezian zenbat jende dagoen eta langabeziako tasa zenbatekoa den jakiteko[3]. Lanaren Nazioarteko Erakundearen (LANE) arabera, lantokia duten eta lantoki bila dabiltzan guztiak dira biztanleria aktiboa.
Biztanleria aktiboa populazio osoari buruz neur daiteke, edo, zorrozkiago, lanerako adinean dagoen populazioaren zatia hartuz oinarritzat. Biztanleria Aktiboaren Inkesten bidez ikertzen dira baita ere jarduera-tasa eta biztanleria aktiboaren beste ezaugarri batzuk, interesgarriak baitira egoera ekonomikoaren analisietarako eta politika ekonomikoaren erabakietarako.
Espainiako Estatuan, hiru hilean behin egiten ditu Estatistikako Institutu Nazionalak (INE), eta informazio orokorra, sektorekakoa, sexukakoa, adinkakoa, komunitate autonomikokoa eta probintziakakoa ateratzen du. BAIren bitartez bideratutako estatistika, fidagarriena jotzen da langabeziako tasak zehatz-mehatz jakiteko. Horregatik, ezberdina da Enpleguko Institutu Nazionalak (INEM) hilean-hilean ematen dituen langabeziako datuen aldean. Espainiako Laneko Ministerioari lotutako erakunde publiko hori, langabeziak izandako estatistikez gain, enplegurako programei eta bulegoei buruzko guztiaz arduratzen da.
Erreferentzia aldatu
- ↑ Euskalterm: [Hiztegi Terminologikoa] [1999]
- ↑ Euskalterm: [Laburtzapenak Hiztegia] [2009]
- ↑ CC-BY-SA http://www.argia.com/argia-astekaria/1961/zer-da-biztanleria-aktiboaren-inkesta Argia, 2004-10-10
Kanpo estekak aldatu
Datuak: Q6467417
Multimedia: Unemployment rate maps of the European Union / Q6467417
