Bizar-aitzur elektriko

Bizar-aitzur elektrikoa bizarra mozteko erabiltzen den etxetresna elektriko txiki bat da.

Bizar-aitzur elektriko
Gailu elektrikoa, esku-tresna eta bizar-xafla
Irudi gehiago
Ezaugarriak
Energia-iturria	elektrizitatea

Bizar-aitzur elektrikoaren asmatzailea Jacob Schick estatubatuarra izan zen. Schickek bizarra urik edo xaboirik ez zegoenean xaflaz mozteak zekarren deserosotasuna antzeman zuen, eta, beraz, bizarra lehorrean mozteko aparatu bat asmatzea erabaki zuen. 1931n atera zuen bere lehen makina, baina arrakasta gutxirekin. Hala ere, bere gogoak ez zuen behera egin eta 1937an ia bi milioi aparatu saltzea lortu zuen Estatu Batuetan, Ingalaterran eta Kanadan.

1940ko hamarkadan Remington Randek bi burudun lehen bizar-aitzur elektrikoa aurkeztu zuen, buru anizkoitzeko makinatxoen aurreratua. Remingtonek ere atera zuen emakumeen ilea depilatzeko diseinatutako lehen aparatua.

Beste asmatzaile garrantzitsu bat Alexandre Horowitz irakaslea izan zen, Holandako Philips enpresetakoa, bizar-aitzur kulunkariaren kontzeptu oso ezaguna asmatu zuena.

Bizar-aitzur elektrikoari motor txiki batek eragiten dio, eta buru bat du, ilea ebakitzen duten hortzekin, larruazalaren parean dauden zulo batzuetatik sartzen dena. Sare elektrikora konekta daiteke edo erabili eta pilak erabil ditzake.

Kanpo estekak

• Datuak: Q17457835
• Multimedia: Electric shavers / Q17457835