Betibizi hori

Betibizi horia (Helichrysum stoechas) Asteraceae familiako espezie baten izen arrunta da, Mediterraneoan jatorria duena.

Betibizi hori
Irudi gehiago
Sailkapen zientifikoa
Erreinua	Plantae
Ordena	Asterales
Familia	Asteraceae
Leinua	Gnaphalieae
Generoa	Helichrysum
Espeziea	Helichrysum stoechas (L.) Moench, 1794

Taxonomia

Hiru azpiespezie ditu :

• Helichrysum stoechas (L.) Moench var. maritimum
• Helichrysum stoechas (L.) Moench var. dolomiticum
• Helichrysum stoechas (L.) Moench subsp. stoechas

Deskribapena

Landare belarkara txikia da baina batzuetan oinarrian zurezko adarrak izaten ditu 70 cm-ko altuera hartzen dutenak. Hosto estuak ditu, iletsuak eta gris kolorekoak. Hostoak igurzterakoan ileak galtzen ditu eta usaina ateratzen da.

Infloreszentzia horiak ditu, 3-4 mm inguruko loretxo ugariz osatuak. Apirila eta abuztua artean loratzen da.

Fruituak oso txikiak dira eta luma antzeko egitura dute haizeak urrutira eraman ahal izateko.

Habitata

Mediterraneo ertzeko herrialdetan hazten da, lurzoru lehorretan. Hondarrez eta harritxintxarrez osaturiko lurrak atsegin ditu, sarritan itsaso ertzean daudenak.

Erabilera

Betibizi horiaren loreekin infusioak egiten dira sukarrari eta bularreko minei aurre egiteko.

Landare lehorrak lore sortak egiteko erabiltzen dira.

Iruditegia

• 
  Beti bizi hori ugari hondarretan.
• 
  Infloreszentziako lore txikiak.
• 
  Landarea.

Kanpo estekak

• Datuak: Q1636806
• Multimedia: Helichrysum stoechas / Q1636806
• Espezieak: Helichrysum stoechas