San Machar katedrala

San Machar katedrala (ingelesez: St Machar's Cathedral) Eskoziako Aberdeen hiriko katedrala da, Eskoziako elizari dagokiona. A mailako eraikina izendaturik dago.

San Machar katedrala
Glasgowko katedralaren aurrealdea. Irudi gehiago
Kokapena
Estatu burujabe	Erresuma Batua
Herrialdea	Eskozia
Eskoziako kontseilu gunea	Aberdeen City
Koordenatuak	57°10′11″N 2°06′09″W
Historia eta erabilera
Irekiera	1131
Erlijioa	Eskoziako Eliza
Izena	Saint Machar (en)
Arkitektura
Estiloa	Arte gotikoa
Ondarea
LB19957, SM90001 eta LB19958
Kontaktua
Helbidea	18, The Chanonry, Aberdeen
Webgune ofiziala

Historia

Kondairak dio San Machar-rek errezurako leku bat ezarri zuela 580an Aberdin zaharrean, baina eliza hura katedral normandiar batek ordezkatu zuen 1131an. William Wallace exekutatu zutenean gorputza zatitu eta atal bakoitza Eskoziako hirietara bidalia izan zen eskarmentu gisa. Katedralean gorputzaren ezkerraldeko zati bat dago lurperatua.

XIII menearen bukaeran Henry Cheyne apezpikuak katedrala handitzea erabaki zuen baina Eskoziako Independentzia Gerrek ezerezean utzi zuten asmoa. XIV mendean Alexander Kininmund II.a apezpikuak katedral normandiarra eraitsi eta XV menderako katedral berria eraikia izan zen. Ondoren hiru dorre eraiki ziren, erdian handiena zegoela. 1688an izan zen ekaitz handi batek erdiko dorrea behera bota zuen eta elizaren koroa eta transeptuak ere suntsiturik gelditu ziren.

Gaur egun dakusagun elizak alboetako dorre biak mantentzen ditu eta barnealdean habearte nagusi bat eta alboetako beste bi txiki dauzka. Azken urteetan dirulaguntzak jaso ditu eliza berrizteko.

Iruditegia

• 
  Katedrala.
• 
  Barnealdea.
• 
  Egurrezko sabaia.
• 
  Hilerria.

Kanpo estekak

• Webgune ofiziala (Ingelesez)

• Datuak: Q2380110
• Multimedia: St. Machar's Cathedral / Q2380110