'''Aines Dufau Lakaberatz''' ([[Donapaleu]], [[1965]]eko [[urtarrilaren 19]]a) baxenafar pedagogo eta hizkuntzalaria da. Euskal Ikasketetan lizentziaduna da ([[Paueko eta Aturrialdeko Unibertsitatea]]).
[[Uztaritze|UstaritzenUztaritzen]] egoitza duen [[Ikas|Ikas Euskal Pedagogia Zerbitzuaren]] zuzendaria da. Elkarte honek euskararen eta euskarazko irakaskuntza hedatzen laguntzen du. Ikasmaterialgintza sortzea, Animazio pedagogikoak eta dokumentazio zerbitzu bat kudeatzea dira elkarte honen lan ildo nagusiak. Gaur egun, Ikasek 28 000 bat liburu, CD eta DVD baditu, kasik guziak euskaraz, oroz gainetik euskara(z) ari diren ikasleentzat eta irakasleentzat bilduak : eskuliburuak, entziklopediak, literatura obrak, dokumentalak... Katalogoa sarean kontsultagarri da, eta notizia guztiak deskargatzen ahalkoahal dira.
== Euskaltzain urgazlea ==
[[Euskaltzaindia]]k ''euskaltzain urgazle'' izendatu zuen [[2006]]ko maiatzaren 26an. Hiztegi Batuko lantaldean aritu izan da 2013z geroztik.<ref>{{Erreferentzia|izena=|abizena=|urtea=|izenburua=Dufau Lakaberatz, Aines|argitaletxea=|orrialdea=|orrialdeak=|ISBN=|hizkuntza=eu-es|url=https://www.euskaltzaindia.eus/euskaltzaindia/euskaltzainak/urgazleak/287-d/4721-aines-dufau-lakaberatz|aldizkaria=www.euskaltzaindia.eus|sartze-data=2019-11-23}}</ref>
Ikas argitaletxean argitaratzen duten guzia euskara batuazkobatuzko aditz formak erabiliz idazten dute, nafar-lapurterazko hiztegia eta joskera hobetsiz. Egun guzietako hizkuntza tresnarik baliosenak Euskaltzaindiaren Hiztegi Batua dute, eta oroz gainetik [[Nola Erran]] hiztegi elektronikoa. Teknika eta zientzia alorretako gaien lantzeko, [[Euskalterm]] eta [[Elhuyar Fundazioa|Elhuyarren hiztegiak]] baliatzen ditugu. Nafar-lapurterazko tradizioari jarraikiz argitaratzen dutena, zubereraz ere argitaratzen dute, eskolako lehen eta bigarren zikloetan ari diren irakasle eta ikasleentzat (2 eta 8 urte). Alabaina Zuberoako haurrek lehenik zuberera menderatu behar dutela uste dute, haur literaturaren bidez, eta halaber zientzien eta matematiken bidez ere. Hausturarik ez dadin izan eskolako, herriko eta eskolako mintzairen artean, ikastresnak zubereraz ere argitaratzen dituzte, eskolako lehen urtekoentzat.<ref>{{Erreferentzia|abizena=Coyos, Jean-Baptiste ( 1952-)|izenburua=Euskara batua eta Ipar Euskal Herria : 1964-2018|argitaletxea=Euskaltzaindia|data=2019|url=https://www.worldcat.org/oclc/1123022555|isbn=978-84-949787-6-0|pmc=1123022555|sartze-data=2019-11-23}}</ref><ref>{{Erreferentzia|izena=Aines|abizena=Dufau|urtea=2018|izenburua=Gaurko egoera. Euskararen batasuna nola ikusten den Ipar Euskal Herritik|argitaletxea=Euskaltzaindia. 100. urteurreneko biltzarra|orrialdea=|orrialdeak=|ISBN=|hizkuntza=eu-ES|url=https://www.youtube.com/watch?v=CGaxZRQ1D4Q|sartze-data=2019-11-23}}</ref>
