BVE 1982. urtean desagertu zen, otsailaren 23ko estatu kolpearen inguran [[CESID]]en barruan sortutako iskanbilen testuinguruan. Dena dela, Espainiako gobernua [[Espainiako Langile Alderdi Sozialista|PSOEren]] eskura pasatzerakoan [[GAL]] siglak sortu ziren gerra zikinaren ekintzak aldarrikatzeko.
2015eko azaroan, eskandalua piztu zen, [[Ladislao ZabalarenZabala]]ren omenezko testua zekarren argazki handi bat jarri baitzuten espainiar ultraeskuindarrei lotutako [[Madril]]go Los Cien Balcones jatetxean. Ladislao Zabalak 1980an Batallon Vasco Españolen izenean hainbat atentatu egin zituen, eta izualdia sorrarazi zuen [[Hernani]], [[Andoain]] eta [[Astigarraga]] artean (Gipuzkoa). Atentatu haietan zazpi euskal herritar hil zituen Zabalak, eta [[Espainiako Auzitegi Nazionala]]k 231 urteko espetxealdira kondenatu zuen.<ref>{{ca}} Jordi {{maiuskula_txiki|Navarro}} eta Roger {{maiuskula_txiki|Suso}}: [https://web.archive.org/web/20161225181908/https://directa.cat/lhogar-social-madrid-homenatja-un-ultradreta-que-va-assassinar-set-ciutadans-bascos «L'Hogar Social Madrid homenatja un ultradretà que va assassinar set ciutadans bascos»], ''Directa'', 2015-11-02.</ref><ref>Urko {{maiuskula_txiki|Apaolaza Avila}}: [http://www.argia.eus/blogak/urko-apaolaza/2015/11/02/zazpi-euskal-herritar-hil-zituen-ultraeskuindarra-omendu-dute-madrilen/ «Zazpi euskal herritar hil zituen ultraeskuindarra omendu dute Madrilen»], ''Angelu Itsua'' bloga, 2015-11-02.</ref>
