'''"Toy"''' [[Netta Barzilai]] israeldarrak [[2018ko Eurovision Abesti Lehiaketa|2018ko Eurovision]] lehiaketan kantatu zuen abestia da. Lehiaketa irabazi zuen [[Israel|Israelek]]ek abestiarekin, hain zuzen.
== Hitzak eta kritika politikoa ==
Ingelesez "[[jostailu]]" esan nahi du abestiak. Nagusiki [[Ingeles|ingelesezingeles]]ez dira hitzak, baina badu esaldi solterik hebreeraz. Emakumeen kontrako [[Sexu jazarpen|jazarpena]] du gaitzat kantuak, eta leloak dio 'ez naiz zure kopina', baina hori dela eta [[purplewashing]] egiteaz akusatua izan da. Gaiak kontraste egiten du Israelek [[Palestina]] okupatuz Israelek egiten duen jazarpen nazionalarekin, eta Netta Barzilai militar boluntarioa izanik eta Jerusalemen okupazioaren aldekoa agertuz (Eurovisionen bertan, irabazi eta berehala<ref>{{Erreferentzia|izenburua='Next time in Jerusalem': Israeli winner adds political jab to Eurovision Song Contest|hizkuntza=en|url=https://www.rt.com/news/426565-eurovision-israel-winner-jerusalem/|aldizkaria=RT International|sartze-data=2019-05-28}}</ref>), kritika politikoak pilatu ziren kantuaren inguruan<ref>{{Erreferentzia|izenburua=Netta is in danger of being turned into a political toy|hizkuntza=en-US|data=2018-05-23|url=https://plus61j.net.au/plus61j-voices/netta-danger-turned-political-toy/|aldizkaria=+61J|sartze-data=2019-05-28}}</ref>.
== Musika eta plagioa ==
Abestia Doron Medalie eta Stav Beger-ek idatzi eta konposatu zuten eta ekoizpena Begerrena izan zen. Doinu errepikakor eta itsaskorra duen kantua da, eta batzuek berehala igarri zioten antza zuela duela urte batzuetako kantu ezagun batekin: ''[[Seven Nation Army]]'', [[The White Stripes]] taldearena. [[Plagio]] salaketak haizatu ziren ondorioz.
Eurovision igaro eta hilabete batzuetara, kantuaren egile eta The White Stripes-eko partaide [[Jack White|Jack Whitek]]k akordio bat erdietsi zuen Toy kantuaren sortzaileekin. [[Universal Music]] disketxeak aurkeztu zuen demanda Whiteren izenean, eta akordioaren detaileak pribatuan gorde ziren arren, logikoena dirudi egile-eskubideetan banaketa bat gertatzea, Whiteren aurreko autoretza aitortzen duena<ref>{{Erreferentzia|izena=Aya|abizena=Chajut|izenburua=Jack White to Receive Writing Credit After Plagiarism in Netta Barzilai’s Eurovision Winner ‘Toy’|hizkuntza=en|data=2019-02-07|url=https://www.haaretz.com/israel-news/.premium-jack-white-to-receive-writing-credit-after-plagiarism-in-netta-s-toy-1.6915133|aldizkaria=Haaretz|sartze-data=2019-05-28}}</ref>.
