Partia: berrikuspenen arteko aldeak

'''Partia''' ({{lang-peo|𐎱𐎼𐎰𐎺}}, Parθava; partieraz: 𐭐𐭓𐭕𐭅, ''Parθaw''; [[pehleviera]]z: 𐭯𐭫𐭮𐭥𐭡𐭥, ''Pahlaw'') [[Asia]]ko eskualde historikoa da, [[Irango goi-ordokia]]ren iparraldean kokatua, [[Kaspiar itsasoa]]ren hego-ekialdean. Hircania mendiek (Elbruz) bereizten dituzte Partia eta Kaspiar itsasoa. [[Persiar Inperioa]]ren mende geratu zen ([[K. a. 540]]. urtean), [[Alexandro Handia]]k konkistatu zuen ([[K. a. 331]]. urtean) eta erreinu independentea, [[Partiar Inperioa]], izan zen [[K. a. 250]] - [[224|K. o. 224]] urteetan.

Partiar herria [[Iran]]go iparraldean, [[Kaspiar itsasoa]]ren hego-ekialdean finkatu zen [[K. a. III. mende]]an. [[Arsazes I.a]] buruzagiak Artsazidar dinastia sortu zuen ([[K. a. 250]]. urte aldera). [[Mitridates I.a Partiakoa|Mitridates I.ak]] erreinua sendotu zuen eta Iran, [[Asiria]], [[Mesopotamia]] eta [[Armenia]]ra zabaldu zuen aginpidea. [[Marko Lizinio Kraso]] erromatarrak eraso egin zien partiarrei ([[K. a. 53]]. urtean), baina gero [[Carrhaeko gudua|haiek hil zuten]]; K. a. 39-38an ordea erromatarrek partiarren erresuma konkistatu zuten. Erreinuak pixkanaka indarra galdu zuen, eta persiar sasandarrek menderatu zuten azkeneko errege partiarra, K. o. [[224]]. urtean. [[Ekbatana]], [[Seleuzia Tigrisekoa|Seleuzia]], [[Ktesifon]] eta [[Hekatonpylos]] izan ziren partiar hiri nagusiak.