Haltz beltz: berrikuspenen arteko aldeak

 

== Ezaugarriak ==

Tamaina ertaineko zuhaitza, 20 metrotara irits daitekeena. Eite [[piramide (geometria)|piramidala]] hasieran, denborarekin biribiltzen edo irregular egiten joaten den arren. Metro betera iritsi daitekeen enbor zuzena du, azal arre-ilunekoa eta nahikoa hauskorra (azaleko arrakaletatik [[huntz]]a bezalako landare igokariak igotzen dira eta beste intsektu askori bizilekua ematen die).

 

 

=== Loreak ===

Landare [[monoiko]]ak dira, nahiz eta loreak sexuaren arabera infloreszentzia ezberdinetan bananduta dauden. Loraldia urtarrila eta maiatza bitartean ematen da, hostoak agertu baino lehenago (negu amaieran [[kaskabeltz]] eta [[tarin]] ugari ibiltzen dira euren gosea ase nahian lore batetik bestera haziak jaten). Braktea bakoitzeko 3 lore ar daude, 4 [[estamine]] eta sepaloduna bakoitza, gerba erako infloreszentziatan kokaturik agertzen dira. Lore eme biluziak, berriz, braktea bakoitzaren galtzarbean kokatuak. Hauek ere kolore berdeko gerbatan ezarriak daude.

 

[[Fitxategi:Alnus glutinosa-43p337N-3p000W-inmature fruits-20131107-155124.jpg|thumb|200px|Fruitu heldugabeak azaroan]]

Fruituak behin lorea ernalduta udazkenean heltzen dira. Fruktifikazio oboideoak, 2-5naka lukuetan biltzen direnak, puntaldean zabaltzen diren zurezko ezkatekin, bakoitza akenio zapal eta hegaldun batekin edo birekin. [[Gimnospermo]]en [[pinaburu|kono]] txikien itxura hartzen duela esan daiteke. Oso erraz sakabanatzen da hazi asko ekoizten baititu. Dena den, oso ohikoa da ugalketa begetatiboz ugaritzea ere.