Materialismo: berrikuspenen arteko aldeak

'''Materialismoa''' [[natura]] eta [[unibertso]]a [[materia]] hutsez osaturik dagoela baieztatzen duten teoria filosfikoei ematen zaien izen generikoa da. Hartara, materiak osatzen ditu gauza guztiak eta fenomeno guztiak, [[kontzientzia (argipena)|kontzientzia]] barne, materiaren elkarreraginen ondoriozkoak baitira.

Eskola filosofikoen kopuru handia gorabehera eta haien artean ñabardura fin ugari badaude ere, filosofia guztiak bi kategoriatan sailkatzen dira oinarri-oinarrian: [[idealismo]]a eta materialismoa, zein elkarren kontrastean definitzen diren. Errealitatea zer den ulertu nahian, bi kategoria horiek bereizten dira funtsezko bi galdera hauei erantzuterakoan: "zerk osatzen du [[errealitate]]a eta nola sortzen da?" Idealisten aburuz, [[izpirituespiritu|izpiritua]]a, [[adimen]]a edo adimeneko gauzak ([[ideia]]k) dira lehenengo, eta materia bigarrengo. Materialisten aburuz, berriz, materia da lehenengo, eta izpiritua, adimena edo ideiak bigarrengo, azken finean materiak materiaren gainean sortzen dituen emaitzak baitira.