B. B. King: berrikuspenen arteko aldeak

Familia pobre batean jaio zen, eta ama bederatzi urte zituela hil zitzaion. Txikitatik elizan abesten zuen eta hamabost urte zituela gitarra ikasten hasi zen. Garai horretan [[gospel musika|gospel]]-talde bat sortu zuen. Soldaduskan egon ondoren (1947), [[blues]]era jo zuen eta kontratu txikiak lortu zituen [[Memphis]] inguruan, Bukka White bere lehengusuarekin batera. Memphiseko irrati komertzial batean [[disc-jockey]] gisa aritu zen lanean. ''Blue Boy from Beale Street'' (B.B. laburdura izen horri dagokio) ezizena hartu zuen, Bobby Blue Band eta Johnny Acerekin jo zuenean.

King izan zen [[Sobietar Errepublika Sozialisten Batasuna|Sobietar Batasunean]] zehar bira egin zuen lehenengo blues musikagilea eta kantaria, 1970eko hamarraldiaren amaieran. Lehenengo aldian B.B. Kingentzat [[T-Bone Walker]] eta [[Elmore James]] izan ziren inspirazio-iturri. Baina berehala, eragin horiek gainditu eta bere estilo propioa sortu zuen. Haren abestien hitzak oso sinpleak dira, baina hark duen kantatzeko moduarekin indar handia hartzen dute, batez ere, gitarraren laguntzarekin. B.B. King da bizirik dagoen blues musikagile nagusia. Haren estiloak izugarrizko eragina izan du [[rock]] musikaren ingeles eskolan: [[Jimmy Page]], Larry Coryell, [[Eric Clapton]] eta abarrengan.