Euskal Rock Erradikala: berrikuspenen arteko aldeak

== Historia ==

[[Fitxategi:Zarama.jpg|300px|right|thumb|[[Zarama]] [[Irun]]en (1986).]]

=== Sorrera ===

Rock Radikal Vasco delakoa etiketa bat balitz bezala agertu baino lehen, [[Euskal Herria]]n bazen kutsu erradikaleko rocka, nahiz eta, oro har, bide laburrekoa eta diskografia aldetik eragin gutxikoa izan. [[1977]]an hasi ziren lehen punk-rock taldeak sortzen gurean, nagusiki [[Ingalaterra]]tik zetozen doinuei jarraiki. Geografia osoan sakabanaturik zeuden, oso baliabide eskasak zituzten, eta emaitzak ere horrelakoxeak izan ziren. [[Punk]]aren filosofiari loturik, musika egiteko ez zegoen instrumentu bat jotzen jakin beharrik, eta laster batean sortzen (eta desegiten) ziren hastapenetako talde haiek: [[Odio]], [[Basura]], [[Vulpess]], [[Optalidon]], [[Cirrosis]] edo Doble O (gerora [[RIP (musika taldea)|RIP]] izango zena) izan ziren talde aitzindarietako batzuk. Horrela, 80ko hamarkadaren hasieran sortu eta sendotzen hasi zirenetatik, honako talde hauek egin zuten aurrera: [[Araba]]n, [[Hertzainak]] eta [[La Polla Records]]; [[Bizkaia]]n, [[Zarama]], [[MCD]] eta [[Eskorbuto]]; [[Iruñea]]n, [[Barricada]]; [[Gipuzkoa]]n, RIP, [[Kortatu]], [[Vómito]], [[BAP!!|Bap!!]]... [[Ipar Euskal Herria]]n, berriz, RRVk apenas izan zuen eraginik.