Marko Aurelio [[Faustina Minor]]rekin ezkondu zen 145. 13 seme-alaba izan zituzten, haien artean [[Komodo]] enperadorea izatekoa, eta [[Luzila]], [[Luzio Vero]]ren emaztea.
== Agintean ==
Aldi bereko aginte hori beher militarrak bultzatu zuen. Izan ere, germaniarrek [[Erromatar Inperioa|Inperioko]] mugak zeharkatzeari berriko ekin zioten. Ekialdean, Partiako erresumak indarra berreskuratu zuen. Enperador batek ezin izan zuen bi mugak aldi berean defendatu.
Hori zela eta, [[Luzio Vero]] ekialdera joan zen. Troparen leialtasuna eskuratzeko gai izateaz gain, Marko Aurelio kanporatzeko motiborik ez zuen. Leial jarraitu zuen [[Luzio Vero]] kanpainan hil zen arte, 169an.
Aldi bereko agintaldi honek [[Erromatar Errepublika|Errepublikan]] zeukan oinarria. Garai hartan kargu guztiak gutxienez bi pertsonak betetzen zituzten, botere osoa esku berean gera ez zedin. [[Diokleziano]]k sistema hauek berreskuratu zituen [[Tetrarkia]] sortzerakoan.
