Azterketa (ebaluazioa): berrikuspenen arteko aldeak

[[Hezkuntza]]n eta beste zenbait arlotan, '''azterketa''', '''proba''' edo '''etsamina''' ikasle nahiz beste pertsonen ezagutzak eta trebeziak [[ebaluazio|ebaluatzeko]] erabiltzen den proba bat da, normalizatua eta uniformea azterketa burutzen ari diren guztientzat. Hezkuntzaz gainera, azterketak lanpostuetarako lehiaketetan (Enplegu Publikorako Eskaintza batean, esaterako) eta zertifikazio-arloan ere ([[EGA]] azterketa, esaterako) erabiltzen dira. Gehienetan, galdera edo atal desberdinetan banatzen da eta [[ikasle]] edo hautagai bakoitzak galdera horiek zuzen erantzun edo lortutako [[gaitasun]]ak erakutsiz garatu behar ditu. Pertsonak proba amaitutakoan, irakasleak edo azterketa ebaluatzeko aukeratutako pertsonak azterketa zuzendu eta kalifikazio bat jartzen dio, bere jakite mailaren eta gaitasunen erakusgarri dena. Ohikoa da, kalifikazio kuantitatibo batekin batera, azterketa ''gainditua'' edo ''gainditu gabe'' erara ebaluatzea eta ''gainditu gabe'' izanez gero ikasleak berriz ere azterketa errepikatu behar du beste momentu batean bere jakite maila egiaztatzeko.