'''''Ehun metro''''' [[Ramon Saizarbitoria]]k idatzitako bigarren eleberria[[eleberri]]a da, lehen aldiz [[1976]]an argitaratu zena. [[ETA]]kide batek [[polizia]]rengandik ihesi [[Donostia]]ko [[Konstituzio plaza]]n eraila izan aurretik korrika egiten dituen azken metroak kontatzen ditu,. baina[[Narrazio]]a estilo berezi batez garatzen da, garai hartako [[euskal literatura]] berritu zuten moldeak baliatuz. Hari nagusi horretan oinarriturik, protagonistaren bizitzako zenbait pasarte erakusten dira horretarako ''[[flash-back]]'', [[collage]], [[elipsi (erretorika)|elipsi]] eta bestelako baliabideak erabiliz. Aldi berean, ETAkidearen heriotza geratu den tokitik gertu eta halabeharrez hildakoarekin loturik dagoen beste gazte bati poliziak egindako itaunketa agertzen da eleberrian zehar. [[Hego Euskal Herria]]n [[frankismo]]aren garaian bizi zen giro zapaltzailea ere islatzen du eleberriak, bereziki [[euskara]]ren aurkakoa.
''Ehun metro'' eleberriak 14 argitalpen izan ditu 2011 urtera arte eta lau hizkuntzatara itzulia ere izan da. [[1985]]an [[zinema]]ra eraman zuen [[Alfonso Ungria]] zuzendariak ''[[Cien metros]]'' gaztelaniazko izenburuarekin.
