Miklós Rózsa: berrikuspenen arteko aldeak

'''Miklós Rózsa''' ([[Budapest]], [[Hungaria]], [[1907]] - [[Los Angeles]], [[Ameriketako Estatu Batuak]], [[1995]]) estatubatuar musikagilea izan zen, jatorriz hungariarra.

 

[[Biolin]]a ikasi zuen lehenbizi, eta kimikako ikasketak egiten ari zela, [[piano]]a ikasten hasi zen. Ondoren, kimikako ikasketak utzi eta Leipzigeko Kontserbatorioan hasi zen musikako ikasketak egiten. 1929an lortu zuen bere diploma, eta urte horretan bertan aurkeztu zuen garrantzizko bere lehenengo lana, ''Bariazioak hungariar nekazari-kantu batentzat''. 1931n [[Paris]]en hartu zuen bizilekua, eta Europan zehar bidaiatu zuen, ''Konposizioa, bariazioak eta bukaera'' orkestrarako lanarekin. Nahiko harrera ona izan zuen, eta garai hartako orkestra-zuzendari nagusiak izan zituen zuzendari.

 

 

1937 eta 1938. urteetan [[François-Joseph saria]] irabazi zuen [[Budapest]]en. 1940an [[Estatu Batu]]etara joan zen bizitzera, eta [[Hollywood]]en hartu zuen bizilekua. Han, zazpigarren arteko musikagile nagusietako bat izatera iritsi zen. [[MGM]]en lan egin zuen (1948-1962) eta [[Los Angelesko Unibertsitatea]]n irakasle izan zen (1945-1965). Garai horretan, Estatu Batuetako [[hiritartasun]]a hartu zuen. ''Kontzertua harizko tresnetarako'' lana (1943, 1957an zuzendua) Estatu Batuetako orkestra nagusiek jo zuten. 1956an ''Biolinerako kontzertua'' sortu zuen, 1966an ''Pianorako kontzertua'', eta 1969an ''Biolontxelorako kontzertua''. Rózsarenak dira, halaber, ''Serenata'' (1932; 1946an berrikusi eta ''Hungariar serenata'' izenburuaz argitaratua), ''Txirula eta pianorako sonata'' (1938) eta ''Klarinete bakarrerako sonata'' (1987). Musikagileen hainbat erakundetako presidente izan zen.

 

[[es:Miklós Rózsa]]

[[ja:ロージャ・ミクローシュ]]

[[zh:罗饶·米克罗斯]]