Liberté, égalité, fraternité: berrikuspenen arteko aldeak

'''Liberté, egalité, fraternité''' ("askatasuna, berdintasuna, senidetasuna" [[frantses]]ez) [[Frantzia]]ko eta [[Haiti]]ko lelo nazionala da. [[Masoneria Frantzian|Frantziako Logia Handia]]ren zigilua ere bada.

Eslogana [[Frantziar Iraultza]]n zehar sortu zen, baina ez zuen izaera ofizialik hartu beste zenbait leloren artean bat gehiago baino ez baitzen. Gerra iraunkorreko egoeraren ondorioz ''Liberté, egalité, fraternité ou la mort'' ("Askatasuna, berdintasuna, senidetasuna edo heriotza") formula erabiltzen zen, berehala baztertu zena [[Terrore]] garaiaren kutsua baitzuen. [[XIX. mendea]]n, [[errepublikanismo|errepublikar]] eta [[liberalismo|liberal]]en oihua izan zen [[demokrazia]]ren eta mota orotako gobernu zanpatzaile eta tiranikoak kentzearen alde. [[1830eko Frantziar Iraultza]]ko iraultzaileek ''Liberté, egalité, fraternité'' leloa berrartu zuten, [[Uztaileko Monarkia]]k hartu gabe. Estatuko lelo ofizial bezala [[1848]]an ezarri zuen lehen aldiz [[Frantziako Bigarren Errepublika]]k. [[Frantziako Bigarren Inperioa]]k debekatua, [[Frantziako Hirugarren Errepublika]]k herrialdeko lelo ofizial bezala [[1880]]an hartu zuen. Leloa [[1946]] eta [[1958]]ko [[frantziar konstituzionalismoaren historia|frantziar konstituzioetan]] agertzen da (bi kasuetan Lehen Tituluan, ''Subirautzari buruz'', 2. artikulua).

[[Bigarren Mundu Gerra]]n [[Frantzia]]ren alemaniar okupazioan [[Vichyko gobernua]]k ''Travail, famille, patrie'' ("Lana, familia, aberria") leloagatik aldatu zuen, gobernuaren norabide berria adierazteko.