[[Fitxategi:Mammouth.png|right|thumb|240px|Mamut baten marrazkia]]
'''Mamuta''' (antzinako [[errusiera]]tik ''маммот'') ''Mammuthus'' galdutako [[genero (biologia)|generoko]] edozein espezie izendatzeko erabiltzen da, nahiz eta ezagunena [[mamut iletsuailetsu]]a den (''Mammuthus primigenius''). Espezie hartakoek [[letagin]] luze eta kurbadunak zituzten eta [[Siberia]]n hainbat ale izoztu aurkitu dituzte. Bestalde, ile geruza lodi bat zuten hotz glaziarretik babesteko eta [[Europa]], [[Asia]] eta [[Ipar Amerika]]ko iparraldean bizi ziren. Orain 10.000 bat urte desagertu ziren, aldaketa klimatikoagatik edota gizakiaren ehizagatik. Normalean mamut hitza entzutean, segituan burura etortzen zaigu piztia erraldoi iletsu bat, baina hau ez da guztiz horrela. Mamut askok ez zuten ile luzerik gorputzean zehar eta espezie gehienak gaurko elefanteen tamaina zuten. Hala ere mamut benetan erraldoiak zeuden: ''[[Mammuthus sungari]]'' espeziea, esaterako, gaurko elefanteak baino hiru bider astunagoa izan zen.
