Funtzioa definitua dagoen elementuen multzoari definizio- edo [[izate-eremuaeremu]]a deitzen zaio. Funtzioaren bidez, multzo honetako elementuak beste multzo bateko elementuekin erlazionatzen dira, helburuko multzoa deitua. Helburuko multzoko elementuek, ordea, ez daukate zertan jatorrizko multzoko elementuen irudi izan; helburuko elementu hauen artean, batzuk izate-eremuko elementu bakar baten irudia izango dira, besteak hainbat elementurena, eta beste batzuk inorena. Izate-eremuko elementuen irudia diren helburuko multzoko elementuek osatzen duten multzoari [[irudi (matematika)|irudi]] deritzo (''Im(f)''), eta helburuko multzoaren azpimultzo bat da:
<math>Im(f)=\{y \in Y / \exists x \in X , f(x)=y \} </math>.
