Baia (ibaia): berrikuspenen arteko aldeak

'''Baias ibaiak''' [[Araba]]ren mendebaldeko herena iparraldetik hegoalderaino zeharkatzen du 60 kilometrotan zehar. Lurraldearen trantsizio-izaera, Atlantikoko eta Mediterraneoko eskualde biogeografikoen artekoa, zeharkatzen dituen paisaietan nabari da; hala, iparraldean sega-belardiak eta basoak dira nagusi eta hegoaldean, berriz, zereal, erremolatxa eta patata soroak.

 

''Baias'' euskarazko "ibai(a)" hitzatik etorritako eta gaztelerak kutsatutako emaitza da, azken finean [[tautotoponimo]]a delarik.

 

Baias ibaia [[Gorbeia]]ko mendigunean jaiotzen da eta [[Miranda de Ebro]]n ([[Burgos]]) egiten du bat [[Ebro]]rekin. [[Zuia]], [[Urkabustaiz]], [[Kuartango]], [[Erriberagoiti]] eta [[Erriberabeiti]]ko haranak zeharkatzen ditu, Anda edo Hereñako bezalako igarobide estuetan zehar bide eginez. Horietatik guztietatik azpimarragarriena Techako haitzartea da, [[Arkamo]] eta [[Badaia]] mendilerroen arteko ebaki ikusgarria. Emariak infiltrazioak izaten ditu, material karstikoen eraginez; ondorioz, uda partean hondo arrokatsua agerian duten hainbat zati agertzen dira.

 

Ibilguak fisionomia eta egitura naturala gordetzen ditu eta jatorri artifizialeko interbentzio edo zuzenketa gutxi daude. Erribera-basoak, batez ere haltzadiz -Atlantikoko haritz eta lizarrekin eta Mediterraneoko makal eta sahatsekin-, osatutakoak, ugari dira bere ibilguan zehar.

 

* [[Euskal Herriko ibaiak]]

 

 

[[de:Bayas (Fluss)]]