Matematika-prestakuntza handiko gizona izan zen, baina matematikaz eratzen ziren eredu ekonomikoak enpirikoki egiaztatu beharra, [[estatistika]]ren bitartez, azpimarratu zuen beti. [[Input-output]] taulak ikertzen hasi zenerako, ezaguna ziren ekonomia munduan. InputIzan ere, input-otuput taulak ziren [[François Quesnay]] ekonomialariak bere [[Tableau économique]] lanean proposatu zituenak. [[XIX. mende]]aren bukaeran eta [[XX. mende]]anren hasieran ere, ekonomialari askok ikertu zituzten taulak, baina leontiefLeontief izan zen taulak errealitate ekonomikora aplikatu zituen lehena, zenbakizko taulak osatuz eta hauetan oinarrituz ekonomia errealari buruzko aurreikuspenak eginez. [[1933]] urtean hasita, 44 sektoreko taula bat osatu zuen, nahiz eta konputazio-lanak errazteko gero hamar sektoreko taula batez laburtu egin zen. Taulako koefizienteak egonkorrak zirela ziurtatzeko, [[1919]] eta [[1929]]ko taulak alderatu ziren. Taula hauekin, ''The Structure of American Economy 1919-1929'' ikerlana argitaratu zuen, gerora ere jarraipena izango zuena. Hurrengo urteetan, input-output taulen erabilera zabaldu eta sakondu egin zuen, sektore kopuru handiagoko taulak osatuz. Konputagailuen garapenari arreta handia jarri zion eta lehenengo [[Mark I]] eta [[Mark II]] konputagailuak erabili zituen taulei buruzko kalkuluak egiteko<ref>Input-output taulak [[matrize|matrize (matematika)]] bidez modelizatzen dira: alderanzketa eta bestelako kalkulu konplexuak, taula handietan batez ere, askotan buruttzen dira.</ref>. [[1970]] urterako, ekonomia berez oreka batera iristen zela defendatu zuen, baina inefizientziak ekideko ekonomiaren plangintza garrantzitsua zela baieztatu zuen. Ondoren, nazioarteko garapenari eta ingurugiro-arazoei buruz ikertzeari ekin zion, munduko ekonomia osoa aztertuz [[Nazio Batuak]] erakundearentzat.
