Bi dira Epiktetori zor zaizkio lanak: ''[[Hitzaldiak (Epikteto)|Hitzaldiak]]'' (grekeraz idatzia jatorrian: Διατριβαί edo ''[[Diatribai (Epikteto)|Diatribai]]'') eta ''[[Enkhiridion (Epikteto)|Eskuliburua]]'' (grekeraz idatzia jatorrian, Εγχειρίδιον edo ''[[Enkhiridion (Epikteto)|Enkhiridion]]''). c. 108. urtean Epiktetoren ikasle izan zen Flabio[[Flavio Arriano edo Arriano Nikomediakoa]] da bi lan hauen idatzizko egilea, Epiktetok emandako lezioetan oinarritzen baitira biak. Lehenengo idatziriko ''Diatribai'' delakoak luze eta zabal azaltzen du Epiktetoren pentsaera, baina maisuaren eta ikasleen eztabaida moduan, Epiktetoren eta estoikoen pentsaera sistematikoki azaldu gabe. ''Enkhiridion'', berriz, ''Diatribai'' edo ''Hitzaldiak'' liburu sortaren hautaketa bat da. Arrianoren beraren hitzetan, liburuetan Epiktetoren ikasbideak literalki azaltzen badira ere, batzuen iritzietan, Arrianoren beraren lana nabarmena da, literatura estilo landua ikusirik. Bi liburuek egitura berdina dute: irrikiaren diziplinaz aritzen dira lehendabizi, jokaeraren diziplinarekin jarraitu eta zentzutasunaren diziplinarekin bukatzen dute. <ref>Franco Volpi: ''Enciclopedia de obras de filosofía''. "Epikteto" izeneko sarrera. 637-638. orrialdea.</ref>
