Baia (ibaia): berrikuspenen arteko aldeak

Baias ibaia [[Gorbeia]]ko mendigunean jaiotzen da eta [[Miranda de Ebro]]n ([[Burgos]]) egiten du bat [[Ebro]]rekin. [[Zuia]], [[Urkabustaiz]], [[Kuartango]]eta, Goi[[Erriberagoiti]] eta Behe Erribera[[Erriberabeiti]]ko haranak zeharkatzen ditu, Anda edo Hereñako bezalako igarobide estuetan zehar bide eginez. Horietatik guztietatik azpimarragarriena Techako haitzartea da, [[Arkamo]] eta [[Badaia]] mendilerroen arteko ebaki ikusgarria. Emariak infiltrazioak izaten ditu, material karstikoen eraginez; ondorioz, uda partean hondo arrokatsua agerian duten hainbat zati agertzen dira.

Ibilguak fisionomia eta egitura naturala gordetzen ditu eta jatorri artifizialeko interbentzio edo zuzenketa gutxi daude. Erribera-basoak, batez ere haltzadiz -Atlantikoko haritz eta lizarrekin eta Mediterraneoko makal eta sahatsekin-, osatutakoak, ugari dira bere ibilguan zehar.